Áıgili fýtbolshy ofsaıdty alyp tastaýdy usyndy (vıdeo)

Halyqaralyq fýtbol qaýymdastyǵynyń (FIFA) tehnıkalyq dırektory Marko van Basten ofsaıd pen sary qaǵazdy alyp tastaýdy, sondaı-aq birqatar erejeler engizýdi usyndy. Bul týraly lenta.ru habarlady. Onyń aıtýynsha oıyn tártibi buzylǵanda bylaısha jazalaý kerek: «Men kópten beri basketbol tártibin engizý týraly ıdeıany oılap júrmin, ıaǵnı bes márte ereje buzǵan oıynshy alańnan ketedi. Al ofsaıd jaǵyna keler bolsaq, bul usynysym kóbine unamaıtyn sııaqty. Bul tártipti alyp tastaǵym keletini qazir fýtbol beıne bir gandbolǵa uqsap ketti», – dedi ol. Sonymen qatar, gollandııalyq dırektor penaltı serııasyna qaraǵanda hokkeıdegi býllıt serııasyn engizýdi, tipti álem chempıonatynyń toptyq oıyndarynda da qoldanýdy usyndy. «Árbir komandada bes múmkindik bolady. Tóreshiniń ysqyryǵynan keıin fýtbolshy 25 metr qashyqtyqtan dopty alyp júgirip, 8 sekýndtyń ishinde soqqy jasap úlgerýi tıis. Al qaqpashy aıyp alańynan uzap shyǵa almaıdy. Qarsylasynyń soqqysyn qaıtara alsa, býllıt aıaqtaldy», – dedi van Basten. Aıta keteıik, 10 qańtar kúni FIFA-nyń keńesi 2026 jyldan bastap álem chempıonatyna qatysatyn komandalar sanyn 32-den 40-qa arttyrý týraly sheshim qabyldaǵan.