Ulttyq ekonomıka vıse-mınıstri taǵaıyndaldy

QR Ulttyq ekonomıka mınıstri Tımýr Súleımenov vedomstvo ujymyna jańa vıse-mınıstr Serik Jumanǵarındi tanystyrdy. Bul jaıynda atalǵan mınıstrliktiń baspasóz qyzmeti habarlady. Bul taǵaıyndaýǵa deıin Serik Jumanǵarın eki jyldan astam Qazaqstannyń Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý jónindegi komıtetin basqardy. Jumanǵarın ár jyldarda Ekonomıkalyq damý jáne saýda mınıstrligi О́ńirlik saıasat jáne bıýdjetaralyq qatynastar departamentiniń dırektory bolyp jumys istedi. О́ńirlik damý komıteti tóraǵasy laýazymyn atqardy. Respýblıkanyń О́ńirlik damý mınıstriniń orynbasary boldy. Aıdar Áriphanov Ulttyq ekonomıka vıse-mınıstri laýazymynan basqa jumysqa aýysýyna baılanysty bosatyldy. Vedomstvo basshysy Úkimet atynan Áriphanovtyń shaǵyn jáne orta kásipkerlikti qoldaý baǵytyndaǵy úlesin joǵary baǵalaı otyryp, jumysyna alǵys bildirdi.