Fırýza Sháripova álem chempıony ataǵy úshin básekege túsedi

Qazaqstandyq kásipqoı boksshysy Fırýza Sháripova (2-1, 1 KO) bıyl kóktemde álem chempıony ataǵyna talasady. Bul týraly ol AllFight.Ru portalyna bergen suhbatynda málim etti, dep habarlaıdy QazAqparat. Onyń sózine qaraǵanda, jekpe-jekke daıyndyq Máskeýde bolady. Degenmen kezdesýdiń ótetin kúni men qarsylastyń esimi áli belgisiz. «21 qańtarda men álem chempıony ataǵy jolyndaǵy kezdesýge daıyndalý úshin Máskeýge attanamyn. Jekpe-jek 2017 jyly kóktemde ótedi dep josparlanǵan. Men ózimniń armandaǵan maqsatyma jaqyn qaldym - Qazaqstannan shyqqan alǵashqy álem chempıon atanǵan boksshy qyz bolǵym keledi. Sharshy alańǵa kimmen shyqsam da, óz kúshime senimdimin jáne jeńýge daıynmyn. Meniń formam jaqsy deńgeıde. Osy ýaqytqa deıin Tarazda jattyǵyp júrdim. Sondyqtan basty jekpe-jek aldynda etti qyzdyryp alý úshin qazirdiń ózinde aralyq reıtıngtik jekpe-jekke búgin shyǵýǵa da daıynmyn», - dedi Fırýza Sháripova. Aıta keteıik, Fırýza Sháripova Qazaqstanda qyzdar arasynan shyqqan alǵashqy kásipqoı boksshy. О́ziniń sońǵy kezdesýinde ol serbııalyq Mılena Matovıchti úshinshi raýndta nokaýdqa jibergen bolatyn.