Qoǵamdyq talqylaý nátıjesinde aqparat jáne kommýnıkasııaǵa qatysty zań jobalarynan birqatar normalar alynyp tastaldy. Bul jóninde Qazaqstannyń Aqparat jáne kommýnıkasııalar mınıstri Dáýren Abaev óziniń Feısbýktegi paraqshasynda habarlady.
"Qymbatty dostar, bizdiń mınıstrlik aqparat jáne kommýnıkasııalar máselelerine qatysty zań jobasy boıynsha túrli alańdarda qoǵamdyq talqylaý ótkizýde. Bul proseske sarapshylar men jýrnalıster jáne azamattyq sektor tartylýda. Talqylaýdyń barlyq kezeńinde qatysýshylar aıryqsha nazar aýdarǵan normalardyń biri jasyryn pikir qaldyrýshylardyń aldyn alý (deanonımızasııa) máselesi boldy", dep jazdy mınıstr.
Atap aıtý kerek, bul norma trollıngke, tekserilmegen aqparattardy taratý men arandatýǵa, ekstremızmdi nasıhattaý men áleýmettik janjaldarǵa shaqyrýǵa qarsy kúreske baǵyttalǵan.
Dáýren Abaevtyń aıtýynsha, jumys toby otyrystarynyń sheńberinde sarapshylar men jýrnalıster tarapynan blogerlerdi tirkeý usynysyna qatysty da kóptegen eskertpeler túsipti.
"Biz bul normada jelidegi tanymal qoldanýshylardyń BAQ-pen teńestirilýin jáne bul prosestiń erikti túrde atqarylýyn qamtamasyz etýdi kózdegen bolatynbyz.
Mınıstrlik barynsha ashyqtyqty ustanǵandyqtan jáne qoǵamnyń árbir usynysyn eskerýdi jón kórgendikten, búgin atalǵan normalardy Zań jobasynan alyp tastaý jóninde sheshim qabyldandy", dedi Aqparat jáne kommýnıkasııalar mınıstri.
• 19 Qańtar, 2017
Blogerlerdi tirkeý normasy zań jobasynan alynyp tastaldy - Abaev
Sońǵy jańalyqtar
Egemendikti nyǵaıtýdaǵy keshendi tásil
Ata zań • Keshe
Roza Rymbaeva el turǵyndaryn referendýmda daýys berýge shaqyrdy
Ata zań • Keshe
Ata zań • Keshe
Kúzet qyzmetin baqylaý komıtetiniń tóraǵasy taǵaıyndaldy
Taǵaıyndaý • Keshe
Azamattardyń 78%-dan astamy jańa Konstıtýsııany qoldaıdy
Ata zań • Keshe
Sot ákimdikke arnaıy ótinish jasady
Aımaqtar • Keshe
Astanada eki qabatty ǵımarattyń shatyry janyp jatyr
Oqıǵa • Keshe
