"Yrys" mıkroqarjy uıymy 7 jylda 14 myń joba qarjylandyrdy

2009 jyly shaǵyn jáne orta bıznestiń damýyna úles qosý maqsatynda qurylǵan «Yrys» mıkroqarjy uıymy 7 jylda 14 myńǵa jýyq aýyl sharýashylyǵy baǵytyndaǵy jobalardy qarjylandyrǵan. Bul týraly OQO Aımaqtyq kommýnıkasııa qyzmetinde ótken brıfıngte «Ońtústik» AIO enshiles mekemesi «Yrys» mıkroqarjy uıymy dırektorynyń mindetin atqarýshy Erbol Súleshov málim etti, dep habarlady OQO ákiminiń baspasóz qyzmeti. О́z kásibin bastaımyn nemese ári qaraı damytamyn degen kásipkerlerge tómengi paıyzben qol jetimdi nesıe beretin uıym 2016 jyly 4 831,3 mln teńgeni quraıtyn 1979 joba qarjylandyryldy. Nátıjesinde 1398 adam turaqty jumyspen, al 3 myń adam merzimdi jumyspen qamtyldy. 2016 jyldan bastap atalǵan uıym «Nur Otan» partııasynyń bastamasymen Respýblıkamyzdyń 5 óńirinde pılotty joba retinde «Jumyspen qamtý 2020 jol kartasy» baǵdarlamasymen qosymsha qarajat bólip, ár óńirdiń óziniń erekshiligine qaraı qajetti salalaryn qarjylandyrý maqsatynda, nesıe somasyn 6 mln. teńgege deıin kóterip, kásipkerlerdi nesıelendirýdi qolǵa alǵan. Osy baǵyt boıynsha Ońtústik Qazaqstanǵa 3,39 mlrd.teńge qarajat bólingen. «Qazirgi ýaqytta baǵdarlama aıasynda bólingen qarajat bizdiń mekeme arqyly baǵdarlama qatysýshylaryna taratylýda. 2016 jyldyń qazan aıynan bastap jalpy quny 2,21 mlrd. teńgeni quraıtyn 765 joba maquldanyp, onyń ishinde quny 1,34 mlrd.teńgeni quraıtyn 448 joba qarjylandyryldy. Nátıjesinde 472 azamat jumyspen qamtyldy. Baǵdarlamany 2017 jyldyń sáýir aıyna deıin tolyq ıgerý josparlanýda»,- dedi Erbol Súleshov. «Yrys» mıkroqarjy uıymy 2017 jyly 5 700,0 mln. teńgege 1436  jobalardy qarjylandyrýdy josparlap otyr.