75 myń qyzylordalyqqa EKSPO kórmesine kvota bólindi

Astanada ótetin EKSPO - 2017 halyqaralyq kórmesine barýǵa Qyzylorda oblysy úshin 75 myń adamǵa kvota bólindi. Bul oblys turǵyndarynyń 10 paıyzyn quraıdy. Bul týraly О́ńirlik kommýnıkasııalar qyzmetinde ótken brıfıngte oblystyq kásipkerlik jáne týrızm basqarmasynyń basshysy Nurjan О́mirserikuly málimdedi, dep habarlady QazAqparat. Qazirgi tańda kórme bıletteri 6 - 8 myń teńge kóleminde satylymǵa shyqty. Sondaı-aq EKSPO-ǵa 181 eriktini qatystyrý josparlanǵan. Oǵan qaladaǵy joǵarǵy oqý oryndary men kolledjderden úsh tildi erkin meńgergen stýdentter iriktep alyndy. «Oblys kóleminde kórmeni nasıhattaý maqsatynda 79 sıýjet, 150-den asa materıal jarııalandy. Resmı logotıp qaladaǵy 112 qoǵamdyq  kólikke, «Qaısar» jáne «Baıqońyr» fýtbol klýbtarynyń formalaryna ornalastyryldy. Sondaı-aq Qazaqstan men Reseı arasynda ótken úkimetaralyq komıssııada shetel azamattaryna «Baıqońyr» keshenine kirýge ruqsat alýdy 45 kúnnen 10 kúnge deıin qysqartýǵa qol jetkizdik. Baıqońyr qalasyndaǵy «Kraınıı» áýejaıy kúrdeli jóndeýden ótip, úlken ushaqtardy qabyldaı alatyn múmkindikke ıe boldy», - deıdi N.О́mirserikuly.