Emma Sheıdler, volonter: Ýnıversıada ekonomıkalyq turǵydan da tıimdi

[caption id="attachment_93764" align="aligncenter" width="591"] Version 2[/caption] «Meniń esimim Emma Sheıdler», – dedi 18 jastaǵy nemis qyzy. Ol ótken jyly mektepti aıaqtap, «Is-shara menedjmenti» mamandyǵyn oqý úshin Shotlandııanyń Edınbýrg qalasyna kóship barypty. Emma – Almatyda ótetin qysqy Ýnıversıadaǵa keletin eriktilerdiń biri. Ol Qazaqstanǵa kelýge, Ýnıversıada sekildi halyqaralyq jarystarǵa at salysýǵa qushtar ekenin aıtady.  – Aǵylshyndar sportty ómiriniń bir bólshegi retinde qaraıdy ǵoı. Jalpy ol eldegi Ýnıversıadanyń deńgeıi qandaı? – Bir qyzyǵy, kásibı sportpen aınalyspaıtyndardyń, qara­paıym halyqtyń kóp bóligi Ýnıversıada týraly esti­megen eken. Olımpıada men «Dos­tas­tyq oıyndarynan» keıingi dúbirli doda týraly Ulybrı­tanııa­daǵy aqparattyń azdyǵy meni tańǵaldyrdy. Dosta­ryma Qazaqstanǵa qysqy Ýnı­ver­sıa­daǵa erikti bolyp baraty­nym­­dy aıtqanymda, olar qandaı jarys ekeninen beıhabar-tuǵyn. Árqaısysyna jeke-jeke túsin­dirýge týra keldi. Menińshe, Brı­tan úkimeti stýdent sport­shy­­lardy jetkilikti qoldamaı­tyn sekildi. Sebebi, stýdentter ara­­syn­daǵy álem chempıonaty men Ýn­ı­versıada Tumandy Albıon­da asa tanymal emes. – «Dostastyq oıyndary» Ulybrıtanııada jıi ótkiziledi. Halyqtyń oǵan degen kóz­qarasy qalaı? – Qazir men turyp jatqan Shot­landııa «Dostastyq oıyn­daryn» ótkizgen-di. Sondyqtan eldiń bári atalǵan baıraqty básekeden habardar ári sol arqyly sportqa degen qyzyǵýshylyǵy oıanady. Shotlandııa úshin «Dostastyq oıyndaryn» ótkizý úlken abyroı boldy. – Shotlandııada volonterlar qatary kóp pe? Jalpy, halyq kez kelgen sharaǵa erikti bolýǵa qalaı qaraıdy? – Kóptegen áýesqoı jattyq­tyrýshylar aqsha tólenbegenine qaramastan erikti bolýǵa qumar. Olar sportty jan-tánimen súıe­di. Ásirese, jas balalar eri­k­ti bolý arqyly klýbtarǵa jazy­lyp, sportpen aınalysa bastaıdy. Sonyń nátıjesinde, bolashaq sportshylar ázirlenedi. London Olımpıadasynan keıin Ulybrıtanııada sporttyq dodalarda erikti bolýǵa ynta­ly­lar sany ósti. Sebebi, olar baıraqty básekeniń atmo­sfe­ra­syn jaqsy sezindi. Keler jyly Londonda jeńil atletıkadan álem chempıonaty ótedi. London Olımpıadasyna volonter bol­ǵan­dardyń kóbi sondaı dodaǵa qaıta qatysýǵa talpynyp otyr. – Medıa salasynyń sport­qa, sondaı-aq, dene shynyq­tyrýǵa áseri qandaı? – Menińshe, buqaralyq aqparat quraldarynyń sportpen aınalysýǵa úgitteýde úlesi zor. Meniń dostarymnyń kóbi – Uly­brıtanııada týyp, osynda óskender. Olardyń bári biraz ýaqyt fýtbol oınaǵan. Fýtbol týraly aqparattyń BAQ-ta kóp bolýy osyǵan jaqsy áser etti dep aıta alamyn. – Almatyǵa kelýge ne áser etti? – Ýnıversıada sekildi baı­raq­ty básekege qatysý – óte úlken tájirıbe. Kóptegen elden kelgen adamdarmen aralasyp, oı bólisý óte qyzyq. Sondaı-aq, Ýnıversıadaǵa volonter bolý meniń sabaǵym úshin de paıdaly ári is-sharalar ındýstrııasynda tájirıbe jınaýǵa kómektesedi. – Qazaqstan týraly buryn biletin be edińiz? – О́kinishke qaraı, Qazaqstan týraly biletinim az. Alaıda erikti bolýǵa qabyldanǵan soń, el týraly aqparat izdeı basta­dym. Qazaqstandy óte sýyq dep estidim. Bul men úshin jańa beles bolaıyn dep tur. Ázir­ge qazaq mádenıeti týraly az bile­min, áıtse de, Qazaqstanǵa bar­ǵan­da jan-jaqty tanysamyn dep oılaımyn. Ýnıversıada sekildi halyq­ara­lyq jarystar ótkizýshi elge búkil nazardy aýdartyp, kóp­tegen týrısterdiń kelýine yqpal etedi. Bul sol elge eko­no­mıka­lyq turǵydan óte tıim­di. Ári halyqtyń da birigýin, ynty­maq­tas­tyǵyn arttyryp, elimen maqtanýyna sebep bolady. – Áńgimeńizge rahmet. Áńgimelesken Abaı Asankeldiuly