Ýnıversıadada álem elderinen 3 myń erikti jumys isteıdi

Almaty ákimi Baýyrjan Baıbek 2017 jylǵy 28-shi Dúnıejúzilik qysqy Ýnıversıadanyń eriktilerimen kezdesti. Stýdenttik oıyndar kezinde úsh myń jas Atletter aýylynda, sport nysandarynda, túrli fýnksıonaldy ýchaskelerde ornalastyrý, akkredıtasııalaý, kólik, logıstıka jáne basqada qyzmet túrlerin atqarýǵa kómektesedi, dep jazady strategy2050.kz. Qala ákimdigi habarlaǵandaı, eriktilermen jumys isteý jónindegi departament basshysy Abylaı Qondybaev óziniń sózinde jastardy irikteý kezinde 15 myńnan astam ótinish túskenin, olardyń ishinen Almatynyń 15 joǵary oqý oryndarynan 2800 eriktiniń tańdalǵandyǵyn, elimizdiń ózge óńirlerinen 100 jastyń, jaqyn jáne alys shetelden 100 erkitiniń qabyldanǵanyn aıtty. Reseıdiń, AQSh-tyń, Germanııanyń, Polshanyń, Koreıa men Qytaıdyń, Ulybrıtanııanyń jáne basqa da elderdiń eriktileri úlken qyzyǵýshylyq bildirgen. Eriktilerdi irikteý barysynda iri sporttyq sharalar ótkizýde erikti retinde mol tájirıbe jınaqtaǵan ári aǵylshyn men ózge tilderdi erkin meńgergen jastarǵa basymdylyq berildi. Ýnıversıada barysynda eriktiler 32 fýnksıonaldy baǵyt boıynsha jumys isteıdi. Arnaıy top qonaqtardy kútip alady, olardy Atletter aýylyna ornalastyrady, qalany aralatady, sonymen qatar tóreshiler men tehnıkalyq qyzmetkerler úshin arnaıy aýmaqtar daıyndaıdy. Erkitilerdiń barlyǵy óziniń jumys baǵyttaryna qatysty kommýnıkasııany damytý, til úırenýdi jaqsartý sııaqty arnaıy trenıngterden ótti.