Memlekettik organdar ÚEU-men ózara is-qımyldy nyǵaıtýy kerek - Saǵyntaev

QR Premer-Mınıstri Baqytjan Saǵyntaev Úkimet otyrysy barysynda memleket jáne úkimettik emes uıymdar arasyndaǵy yntymaqtastyqty tıimdirek ornatý jóninde tapsyrma berdi. Úkimet otyrysynda memleket jáne ÚEU-nyń ózara is-qımylynyń negizgi baǵyttary týraly aıtyldy, sonymen qatar otandyq úkimettik emes sektor ókilderi sóz sóıledi. Olardyń ishinde: «Qazaqstannyń azamattyq alıansy» Qaýymdastyǵynyń prezıdenti N. Erimbetov, «Kameda» qorynyń atqarýshy dırektory M. Espenova jáne ARGO Azamattyq qoǵamdy damytý qaýymdastyǵynyń atqarýshy dırektory D. Asanova bar. Baıandamashylardy tyńdaǵannan keıin Premer-Mınıstr 2016 jyly qurylǵan QR Din isteri jáne azamattyq qoǵam mınıstrligi memleket jáne úkimettik emes uıymdar arasyndaǵy ózindik bir «kópir» ispettes ekenin aıtty. Osy oraıda B. Saǵyntaev vedomstvo basshysy N. Ermekbaevqa ÚEU ókilderiniń birlesken jumysty ári qaraı júrgizýge baılanysty usynystaryn eskerý týraly tapsyrma berdi.