Almatyda Qasym-Jomart Toqaev tapsyrmasyna sáıkes «Móldir bulaq» bastamasy jáne «Taza Qazaqstan» jalpyulttyq jobasy aıasynda «Jańa adamdar» qozǵalysy aýqymdy ekologııalyq aksııa ótkizdi. Eldiń ár óńirinen kelgen 1000-nan astam belsendi Úlken Almaty ózeni jaǵalaýyndaǵy aýmaqty tazalaýǵa shyqty.
Erekshe formatta, dıdjeı-set áýenimen ótken shara barysynda qatysýshylar jaǵalaýdy qoqystan tazartyp, 20 tonnadan astam qaldyq jınady.
Aksııa zamanaýı ekologııalyq mádenıetti qalyptastyrýdyń jańa úlgisine aınaldy. Is-shara telearnalar men buqaralyq aqparat quraldarynda keńinen jarııalanyp, ekologııalyq jaýapkershilik máselesine qoǵam nazaryn aýdartty. Bul tek aýmaqtyń tazalyǵy ǵana emes, oı tazalyǵy týraly da.
«Taza Qazaqstan»: Bıyl Almatyda 550 myńnan astam aǵash otyrǵyzylady
Sonymen qatar, «Jańa adamdar» aksııa barysynda qozǵalystyń fırmalyq biregeıligimen bezendirilgen birneshe ret qoldanylatyn bótelkelerdi tanystyrdy. Bul – birrettik plastıkten bas tartýǵa baǵyttalǵan jahandyq úrdisti qoldaýdyń bir kórinisi. Kóp márte qoldanylatyn zattardy sanaly túrde paıdalaný turaqty ómir saltynyń bir bóligine aınalyp, qorshaǵan ortanyń lastanýyn aıtarlyqtaı azaıtýǵa múmkindik beredi.
«Móldir bulaq» bastamasy osy qaǵıdattardyń is júzindegi jalǵasy: bulaq kózderin, jaǵalaý aımaqtaryn jáne sý aıdyndaryn tazartý, sondaı-aq aýlalar, saıabaqtar men qoǵamdyq keńistikterdi retke keltirý jumystaryn qamtıdy.
«Taza Qazaqstan»: Astanada 483 júk kóliginiń júrgizýshisine aıyppul salyndy
