Álem ǵylymı progress aldynda tur

Memleket basshysy «Nazarbaev Ýnıversıtettiń» medısına mektebinde boldy, dep habarlady Prezıdenttiń baspasóz qyzmeti. Is-shara barysynda Qazaq­stan Pre­zı­denti beıindi bilim berýdiń zamanaýı ta­laptaryna tolyqtaı saı keletin medı­sına mektebiniń jańa ǵımaratyn aralap kórdi. Sondaı-aq, Nursultan Nazar­baev oqý­shy­larmen jáne pedagog­tarmen kezdesti. Áńgimelesý barysynda El­basy qazirgi ýaqytta álemniń medısına men bıologııa sala­syn­daǵy ǵylymı progress aldynda turǵanyn atap ótti. – Jańa medısına mekte­biniń jab­dyq­talýyn, oqy­tý deńgeıin álemniń úzdik ýnıver­sıtetterimen salystyrýǵa bolady. Son­dyqtan men ózderińizden úl­ken jańalyqtar kútemin. Siz­der­diń zertteýlerińiz, zert­hana­lyq múm­kindikterińiz, oqy­tý­shy­lardyń ǵylymı áleýeti syr­qattyń eń kúrdeli túrlerin em­deýdiń, adam ómirin uzartýdyń jańa ádisterin tabýǵa múmkindik beredi. Bul mektep ózimen birge basqa ýnıver­sıtetterdi ilgeri jeteleıtin negizgi ba­zalyq oqý orny retinde quryldy, – dedi Memleket basshysy. Sonymen birge, Qazaqstan Pre­zı­denti XXI ǵasyrda aqpa­rattyq tehno­logııalarmen qatar, medısına men bıologııanyń da aldyńǵy orynǵa shyǵyp otyr­ǵanyn aıtty. – Barlyq ǵylymdar ózara baılanysty, kóptegen jańa­lyqtar olardyń toǵysýynan paıda bolady. Osy oqý ornynyń qabyrǵasynda ǵylym damýǵa tıis, bizge jan-jaqty ǵalymdar qajet, – dedi Nursultan Nazarbaev. Sońynda Elbasy jınal­ǵan­­dardy oqý ornynyń jańa ǵı­ma­ratynyń ashylýymen qut­tyq­tap, alǵa qoıǵan maqsat­ta­ry­na jetýine tilektestik bil­dirdi. Medısına mektebiniń ǵıma­raty 9 qabattan turady, jalpy kólemi – 39 825 sharshy metr. Onda ǵylymı jáne oqý zerthanalary, sımýlıasııalyq ortalyq, anatomııalyq zerthana, leksııa zaldary men toptyq sabaq alýǵa jáne keńsege arnalǵan bólmeler, kitaphana, ashana bar. Sýretter Prezıdenttiń baspasóz qyzmetinen alyndy