2016 jyly Ordabasy aýdanynda 51 mlrd teńgeniń ónimi óndirildi

2016 jyly Ordabasy aýdanynda 50 mlrd 999 mln teńgeniń ónimi óndirilgen. Aýdan bıýdjeti 14 mlrd 385 mln teńgege jetse, jergilikti kirister 1 mlrd 160 mln teńgeni qurapty. Aýyl sharýashylyq ónim kólemi 29 mlrd 433 mln teńgege artsa, mal sharýashylyǵynyń óndirisi 15 mlrd. 358 mln. 700 myń teńge, egin sharýashylyǵy boıynsha túsken tabys 14 mlrd. 075 mln. 100 myń teńgege jetken, dep habarlady OQO ákiminiń baspasóz qyzmeti. Aýdan ákimi men aýyl okrýgi ákiminiń jyldyq esebin tyńdaǵan óńir basshysy Janseıit Qanseıituly Shubar aýyldyq okrýginde ınvestısııa tartý, jańa jumys oryndaryn ashý boıynsha jumystardyń óz deńgeıinde  júrgizilmegenin jetkizdi. «Shubar ındýstrıaldy aımaǵynda birde bir joba jumys istep turǵan joq. 93 gektar jer 3 jyldan beri bos tur. Sondaı-aq  atalǵan  okrýkte  «Indýstrııalandyrý kartasy» men  «Bıznestiń jol kartasy 2020» baǵdarlamalary boıynsha eshqandaı joba iske asyrylmaǵan. Aýyl sharýashylyǵy ónimderin óńdeıtin birde bir shaǵyn sehtar ashylmapty. Aýl okrýgi aımaǵynda ishki joldardyń 66 paıyzy qanaǵattanarlyqsyz jaǵdaıda»,- dedi oblys ákimi Janseıit Qanseıituly. Ordabasy aýdanynyń dotasııaly óńir ekenine toqtalǵan oblys ákimi aýdan bıýdjetiniń 9 paıyzy ǵana  ıaǵnı 1,3 mlrd teńgesi ózindik kirister, qalǵan 13 mlrd. teńgesi  91 paıyzy  transfertter men sýbensııalar quraıtynyn jetkizdi.  2017 jyly aýdanǵa áleýmettik ekonomıkalyq jaǵdaıyn arttyrý maqsatynda respýblıka, oblys bıýdjetinen  16 mlrd. teńge baǵattalyp otyr. Aýdandaǵy eń basty másele – gazdandyrý. Osy maqsatta bıyl 1,7 mlrd teńge bólinip, turǵyndar kógildir otynǵan qol jetkizedi. Sondaı-aq óńirdegi 5 jańa mekteptiń qurylysyna 2,3 mlrd teńge baǵyttalyp otyr. Al, Shubar aýyl okýrginde bıyl 471 mln teńgege qurylys jumystary júrgiziletin bolady. Atap aıtsaq, Bereke aýylynda 200 oryndyq mektep qurylysyn júrgizý úshin    248 mln. teńge,  Shubar aýylyndaǵy dárigerlik emhana qurylysyn aıaqtaýǵa 125 mln. teńge, Aqbastaý bastaýysh mektebine 100 oryndyq mektep ǵımaratyn satyp alýǵa 28 mln. teńge qaralyp otyr.  Sonymen qatar, ózekti máseleniń  birine aınalǵan Shubar aýylynan 150 oryndyq mádenıet úıin salýǵa jobalyq smetalyq qujattamasyn daıyndaýǵa 8 mln. teńge qarastyrylypty.