Foto: Eńbek jáne halyqty áleýmettik qorǵaý mınıstrligi
Belgili bolǵandaı, belgisiz tulǵalar deepfake tehnologııasyn paıdalanyp, yntymaqty zeınetaqy tólemderi 20%-ǵa qysqartylady degen mazmundaǵy jalǵan beınerolıkter taratqan. Mamandar mundaı áreketter azamattardy ádeıi adastyrýǵa baǵyttalǵanyn atap ótedi.
Eske salaıyq, 2026 jyldyń 1 qańtarynan bastap kerisinshe bazalyq jáne yntymaqty zeınetaqy mólsheri 10%-ǵa ulǵaıtyldy. Bul ósim Ulttyq bank belgilegen ınflıasııanyń boljamdy deńgeıine sáıkes júrgizilgen.
Endi azamattar zeınetaqy aktıvterin ınternet-platforma arqyly baqylaı alady
Sonymen qatar Memleket basshysynyń tapsyrmasyna sáıkes, 2023 jyldan beri 5 jyl ishinde kezeń-kezeńimen eń tómengi bazalyq zeınetaqyny eń tómen kúnkóris deńgeıiniń 70%-yna deıin, al eń joǵary mólsherin 120%-yna deıin arttyrý qarastyrylǵan.
Osy ózgerister nátıjesinde, bıylǵy 1 qańtardan bastap bazalyq zeınetaqynyń eń tómengi mólsheri 35 596 teńge (kúnkóris deńgeıiniń 70%-y), al eń joǵary mólsheri 60 005 teńgege jetti. Bul kórsetkish kúnkóris deńgeıiniń 110%-ynan 118%-yna deıin ulǵaıtyldy.
Ashat Aımaǵambetov zeınetaqy qarajatyn basqarýǵa qatysty túzetýlerdi túsindirdi
Quzyrly organdar azamattardy tek resmı aqparat kózderine senýge shaqyrady. Sondaı-aq qasaqana jalǵan aqparat taratqany úshin zańnamaǵa sáıkes jaýapkershilik qarastyrylǵanyn eskertedi.
