Almatyda tamaq ónerkásibine 15,4 mlrd teńge ınvestısııalanǵan

2016 jyly Almaty qalasy men Almaty oblysynda tamaq ónimderin shyǵarýdyń negizgi kapıtalyna 15,4 mlrd ınvestısııalanǵan, dep jazady strategy2050.kz. О́ńir sút, et, qus ósirý jáne jemis-kókónis ósirý klasterlerin damytady jáne 2016 jyl ishinde azyq-túlik shyǵarylymynyń 24,8% kólemin qamtamasyz etken. Aqparat boıynsha, Almaty qalasy men Almaty oblysynda 2016 jyly tamaq ónimderi shyǵarylymynyń negizgi kapıtalyna 15,4 mıllıard ınvestısııa salynǵan – bul 2015 jylǵy 19,8%-ǵa qarsy 24,4%-dy quraıdy (aldyńǵy qaýyrt kezeń 2013 jyly baıqalǵan). Investısııalyq qorjynda 3,4 mlrd teńge – Almaty qalasyna jáne 12 mlrd teńge ishinara Almaty aglomerasııasyna kiretin irgeles oblystarǵa keledi (bes ákimshilik aýdan – Qarasaı, Talǵar, Ile, Eńbekshiqazaq jáne Jambyl aýdandarynyń bólikteri, sondaı-aq Qapshaǵaı qalalyq ákimshiliginiń aýmaǵy). Investısııalyq salym kólemderiniń jyldyq ósýi 38,3%-ǵa jetken – bul sońǵy jyldar ishindegi eń úlken kórsetkish. Aglomerasııada tamaq ónerkásibiniń tórt negizgi klasteri damýda: sút klasteri, qus ósirý klasteri, et klasteri, jemis-kókónis klasteri. 2016 jyl ishinde Almaty qalasy jáne Almaty oblysy QR-da óndirilgen barlyq tamaq ónimderiniń 24,8%-yn aqshalaı kóriniste qamtamasyz etken. Qaýyrt kezeńi 2012 jyly Almaty qalasy men oǵan irgeles aýmaqtar eldegi barlyq azyq-túlik kóleminiń 28,2%-yn óndirgen ýaqytta baıqalǵan. О́tken jyly tamaq ónerkásibi shyǵarylymynyń kólemderi 331,6 mlrd teńgege jetken, bul 2015 jylmen salystyrǵanda 29,2%-ǵa artyq.