Aqmola dárigerleri búırektegi tasty alýdyń jeńil jolyn engizdi

№2 Aqmola oblystyq aýrýhanasynyń ýrolog dárigerleri joǵary tehnologııalyq medısınalyq qyzmettiń taǵy bir túrin – perkýtandy (teri arqyly) nefrolıtotrıpsııany tabysty engizdi. Bul týraly QazAqparat habarlady. Perkýtandy nefrolıtotrıpsııa búırektegi tasty alýdyń altyn standarty sanalady. Bul búırekten tasty alýdyń shaǵyn ınvazıvti eń tıimdi ári qaýipsiz tásili. Bul ádistiń tıimdiligi sol – búırekten tasty alý beldiń tusynda tesikter tesý jáne tútikshe ótkizý arqyly jasalady, naýqastyń denesin tilý talap etilmeıdi. Búginde №2 Aqmola oblystyq aýrýhananyń ýrologııa bólimshesinde joǵary tehnologııalyq medısınalyq qyzmetterdiń mynadaı túrleri engizilgen: tolyq nefrektomııa, laparoskopııalyq plastıka nesep joly segmentiniń lohany, Polıtano letbettera ádisi boıynsha modıfısıkasııalanǵan  ýreterosıstoneostomııa, Blohın boıynsha qosymsha antıreflıýks mehanızmi, ýretrany qalpyna keltirý. Laparoskopııalyq nefrektomııa – bul búırektiń tiliksiz tolyq alynyp tastalýy. Qazirgi ýaqytta laparoskopııalyq nefrektomııa búırekke jıi jasalatyn ota túri. Búırektiń bul jolmen tutas alynýyna sebepter óte kóp, onyń ishinde eń jıi kezdesetin sebepter – búırektiń isinýi, fýnksııasynyń tolyq buzylýy, sonyń saldarynan búırektiń aýyrsynýy jáne qabynýy. №2 Aqmola oblystyq aýrýhanasynyń bazasyna engizilgen otanyń bul túri oblysta alǵash ret jasalyp otyr. Ony aýrýhananyń joǵary sanatty ýrolog dárigerleri T.Muratov, E.Ysqakov, B.Qasymov, Ý.Japarov, A.Muhamejdanuly jasaıdy.