Osyndaı da kiris-shyǵys bolady eken

Kóp páterli turǵyn úılerdiń kireberisterindegi elektr energııasy úshin aqy alý maqsatynda «úıdiń jalpy shyǵyny úshin» degen ataýdy túbirtekke kirgizip qoıǵan jekemenshik páter ıeleri kooperatıvteri ózderine tıesili jaýapkershilikti turǵyndardyń moınyna artyp qoıǵysy keledi. Osy másele týraly shaǵymdanǵan turǵyndardyń aryzy «Nur Otan» partııasy qalalyq fılıalynyń otyrysynda qaraldy. Dál osy ispetti júktemeni 20 shaq­ty jekemenshik páter ıeleri koo­pe­ratıvteri engizgen. Al partııaǵa aryz­danǵan turǵyndar PIK-terdiń keli­sim jasamaǵanyn aıtady. Jıynǵa TÚKSh bóliminiń mamandary, turǵyn úı ıns­peksııasy, «Shyǵysenergotreıd» kom­panııasynyń, PIK qaýymdastyǵy men qoǵamdyq uıymdar ókilderi qatysty. Túbirtekke «úıdiń jalpy shyǵyny úshin» dep jazylǵandyqtan energetıka mamandary turǵyndardy artyǵymen aqy tóleýge májbúr etken. Tipti, elektr energııasymen qamtýshy mekeme, keıbir turǵyndarǵa úıdiń kireberisindegi jaryq úshin, ıaǵnı jedelsaty jumys­tarymen jaryqtandyrýǵa qatysty da esep jibere bastady. Bul túbirtektegi jazbany energetıkter qaryzdary úshin jaryq kózinen ajyrata bastaǵanda, ózderi aqy tólemegen úılerdiń koope­ra­tıvteri oılap tapqany belgili boldy. Osyndaı aılakerlikpen PIK-ter óz shyǵyndaryn turǵyndar moınyna artpaq bolǵan. – Bizge túbirtektegi qosym­sha­ny PIK qaýymdastyǵynyń ókil­deri, osy máseleni sheshýdiń birden-bir baǵyty dep usyndy, – deıdi «Shyǵysenergotreıd» JShS Semeı óńiri boıynsha óndirý basqarmasynyń dırektory Svetlana Vınter. – Sondyqtan da turǵyn úı qatynastary týraly zańǵa qarap, PIK-terdiń hattamalaryna arqa súıeı kele, kóp páterli úılerdegi nemese jeke úıler, ıakı PIK-teri joq úılerdegi sharshy metrlerdi esepteı kele, shyqqan shyǵyndy búkil úıge bólip berip, «úıdiń jalpy shyǵyny úshin» degen jazbany túbirtekke engizip qoıǵan bolatynbyz. Qala ákimi janyndaǵy qoǵamdyq keńestiń jetekshisi Nıkolaı Isaevtyń aıtýynsha, bul úshin turǵyndar­dyń barlyǵy biraýyzdan kelisýi kerek bol­ǵan. Al «Nur Otan» partııasyna aryz­danǵan turǵyndardyń aıtýynsha, eshkim kelisim bermegen. Sondyqtan da turǵyndardyń aryzdanbaǵan jerleri joq. Bir qyzyǵy, 20 PIK-tiń árqaısy­sy qaladaǵy eń iri jekemenshik páter ıeleri kooperatıvteri, olarǵa qaladaǵy eń kóp páterli turǵyn úıler qaraıdy. Turǵyndardyń aıtýynsha, «úıdiń jalpy shyǵyny úshin» degenge aqsha tólegenmen, qosymsha kireberistegi jaryq, jedelsaty aqysyn burynǵydaı taǵy da tólep otyrǵan. Iаǵnı, birde-bir páter ıeleri kooperatıvi jalpy úı qyz­meti men jedelsaty úshin elektr jary­ǵyna júktegen tólemnen, ne paı­da­la­nylǵan qajettilikter qunynan, ne jedelsaty aqysynyń qunynan bul aq­shany shegermegen. – Men PIK qaýymdastyǵynyń zań­ger­lerine bir aýyz sóz aıtqym keledi, – dedi «Nur Otannyń» Semeıdegi fı­lıa­ly tóraǵasynyń orynbasary Zýl­fııa Jamal­tdınova, – PIK-ter áý bast­a siz­der­den quqyq salasy boıynsha qalaı isteý, ne isteý kerektigi jóninde kómek su­ra­­ǵan shyǵar? Sizder nege PIK bas­shy­l­aryna bulaı isteý zańǵa qaıshy áre­ket bo­la­dy dep túsindirmedińizder. Adam­dar qol qoımasa, jınalysqa qatys­pasa mun­daı sheshim shyǵarý zańǵa qaıshy áreket. Jıynǵa qatysýshylar da óz pikir­lerlerin jetkizdi. Aıtalyq, bir saladan ekinshige aýysqanda, tólemniń aýysý tártibin tekserý kerek. Páter ıe­leri kooperatıvi ózderine júktelgen senimdi aqtamady. Oǵan taýsylmaı­tyn keleńsizdikter dálel. Sondaı-aq, turǵyn úı qatynastaryn retteýge memlekettiń múlde qatyspaýy máseleni ýshyqtyra tústi. Zańger Qaırat Tastekeev PIK-terdi qaıta qurý nemese jergilikti ákimshi­liktiń qaraýyna berý kerektigin aıtty. Iаǵnı, baqylaýsyz qalǵandyqtan atalǵan problemalar oryn aldy. Qarjylyq jaǵ­daıyn tekseretin aýdıtorlyq kom­panııa joq. PIK jetekshileri jertólede sý, jylý qubyrlary isten shyqsa artyq aqsha joq deýge úırenip alǵan. Jıyn sońynda partııa ókilderi Májilis depýtattaryna PIK-ter týra­ly zańnamany qaıta qarastyrý jóninde ótinish joldaýǵa sheshim qabyl­dady. PIK-terdiń Semeıde oılap tapqan «jańa túbirtegimen» pro­kýratýra aına­lysatyn boldy. Raýshan NUǴMANBEKOVA SEMEI