Ken tasymalyna otandyq rels qoldanylady

ERG kompanııasynyń jón­deý men taldaý blogy jáne stra­te­g­ııa­lyq damý dırektoraty maman­da­ry jasaǵan sanattyq strategııa sheńberindegi sy­namalyq ja­ńa joba ómirge jol tartty. Jańa bastama aıasynda burynǵy R65 ımporttyq magıstraldyq rels­terin otandyq óndiristen shyq­qan RP65 ónerkásiptik re­ls­teri almastyrmaq. Qazir Eýra­zııa­lyq top qurylymyna ene­­tin «Sokolov-Sarybaı» ken-baı­­y­tý óndiristik birlestigi» aksıo­ner­lik qoǵamynda shekteýli júk sal­maǵyn eskere otyryp, eń kúr­de­li geologııalyq jaǵ­daı­lar­da re­ls synaǵyn ótkizý ju­mys­ta­ry júrip jatyr. Sokolov-Sarybaı ken óndirý bir­lestigindegi ken tasıtyn tu­raq­ty joldardyń jalpy uzyn­dy­ǵy 507 shaqyrymdy quraıdy. Bar­lyq joldar Rýdnyı, Qashar óndiris alańdarynyń keńeı­til­gen bóligine jáne Qorjynkól ala­ń­yndaǵy bólimderge, ıaǵnı bar­lyǵy tórt baǵytqa taralady. Olar­dyń árqaısysyndaǵy ı­m­port­­tyq magıstraldyq re­ls­­ter­di «Aqtóbe rels arqa­lyq zaýy­ty» jaýapkershiligi shek­­teý­li seriktestigi jasap shy­­ǵarǵan otan­dyq relstermen almas­ty­ryp jatyr. Jol sharýashylyǵy men qu­ry­lymdary basqarmasyndaǵy teh­nıkalyq bólim bastyǵy Sergeı Gorbýnovtyń túsin­di­rýi­n­she, birinshi qazaqstandyq rels­ter partııasy ótken jy­ly jeltoqsan aıynyń basyn­da Sokolov kenishindegi ekin­shi «Iýbıleınyı»–«Predo­tva­lnyı» bólimine tóselgen edi. Keı­in­nen qalǵan bólimder de qam­tyldy. О́ndiristik alańdaǵy aýys­tyrylǵan relstiń jalpy uzyn­dyǵy 2 462 metr bolyp otyr. Búginge deıin salmaǵy 320 tonnany quraıtyn otandyq re­ls paıdalanýǵa berildi. Onyń sa­pasy jaǵynan tehnıkalyq para­metri burynǵy syrttan ákel­­gen relsten kem emes, eń bas­­tysy, otandyq ónim álde­qaı­da arzan. Qazaqstan relsteri osylaı ishki naryqta qoldanyla bastady, suranysqa ıe. «Qazaqstan temir joly» ulttyq kompanııasynyń ne­gizgi jol baǵyttaryna osy re­ls­ti tóseýi otandyq ónim sapa­sy­nyń jarqyn mysaly deýge bo­lady. – Bizdiń relster Búkil­re­seı­lik temir jol kóligi ǵylymı-zert­teý ınstıtýtynda synaý­dan sátti ótti jáne barlyq qajet­ti sertıfıkattardy aldy, – deı­­di Aqtóbe rels arqalyq za­ýytynyń kommersııalyq dı­rek­­tory Andreı Sherın. – Jaqsy sa­paly bolattardy qoldaný jáne bekitilgen standarttardy saq­taý zaýyt óndirisiniń erekshe sıpaty bolyp tabylady. Álemge aty málim ERG kompanııasymen birigip jumys jasaý – biz úshin qýanysh. Ken alyby Sokolov-Sarybaı ken óndirý birlestigine rels jetkizip berý bizge úlken jaýapkershilik júkteıdi. Synaq nátıjesin taǵatsyzdana kútemiz jáne aldaǵy ýaqytta da ju­mys­tar­dy birlesip atqarýǵa da­­ı­yn­­byz. О́ndiris jolyna tóselgen re­lsti synaý ýaqyty birneshe aıǵa sozylady, sodan keıin otan­dyq ónimniń sapasy týraly túp­kilikti qorytyndylar ja­sala­dy. Biraq, qazirdiń ózinde R65 relsin otandyq RP65-ke al­mastyrý únem jaǵynan tıimdi eke­nin baıqatty. Názıra JÁRIMBETOVA, «Egemen Qazaqstan» RÝDNYI