Eýropa chempıonatynan Fransııaǵa 1,2 mlrd eýro paıda túsken

Eýro-2016 chempıonatynan Fransııaǵa 1,2 mıllıard eýrodan astam qarjy túsken. Bul týraly QazAqparat habarlady. Lımoj ýnıversıtetiniń sport quqyǵy jáne ekonomıkasy ortalyǵy men KENEO agenttigi birlese júrgizgen zertteýler barysynda Eýropa chempıonaty kezinde Fransııa ekonomıkasyna 1,22 mıllard eýro túsken. «Eýro-2016» fınaldyq dodasyna alǵash ret 24 qurama qatysyp, Eýropa chempıonaty kezinde Fransııa qalalarynda árbir quramanyń oıynshylary, jattyqtyrýshylary, ár túrli saladaǵy qyzmet kórsetýshileri, ár eldiń resmı tulǵalary, sondaı-aq 613 myń kórermen qydyryp kelgen. Shetelden kelgen qonaqtar ortasha eseppen Fransııada 7,9 kún bolyp, kúnine 154 eýro jumsaǵan. Jalpy alǵanda Eýropa chempıonatyna kelgen qonaqtar bul elge 625,8 mıllıon eýro shyǵyndalǵan. Týrnır ekonomıkalyq turǵydan alǵanda óte sátti aıaqtalǵan. Kári qurlyq dodasyna daıyndalǵan kezde Fransııa ekonomıkasynan 200 mıllıon eýro jumsalǵan eken. «EURO-2016 SAS» prezıdenti Jak Lamberdiń aıtýynsha kiris shyǵystan asyp túsken.