AQSh memlekettik departamentiniń bir top qyzmetkerleri prezıdent Donald Tramptyń kóshi-qon saıasatyna kelispeıtindikterin bildirip ashyq hat jazýda, dep habarlaıdy BBC.
Petısııada Tramptyń jańa saıasaty eldi terrorlyq áreketterden qorǵaı almaıtyny, kerisinshe, amerıkalyqtarǵa belgili bir top adamdardy qarsy qoıatyny aıtylǵan.
Dıplomattardyń aıtýynsha, Tramptyń qabyldaǵan jeti musylman elderiniń azamattaryna AQSh-qa kirýge ýaqytsha salynǵan tyıym az ǵana qylmyskerdiń elge kirýiniń aldyn alǵanymen qatar, myńdaǵan azamattyń quqyǵyn buzý. Tramp bul qaýlyny 27 qańtarda qabyldaǵan. Qujatqa saı, sırııalyqtardyń AQSh-qa kirýine ýaqytsha tyıym salynǵan. Al ózge alty musylman elderiniń azamattary 90 kúnge deıin qurama shtattarǵa kire almaq emes.
