Iýlııa Galysheva: Olımpıadada jeńiske jetemin dep úmittenemin

Qazaqstandyq sportshy Iýlııa Galysheva paralleldi mogýl jarysynan keıingi qarsylastarynyń deńgeıi jáne 2018 jylǵa arnalǵan josparly jaıly bólisti. «Qarsylastarymnyń bári Álem kýbogyna qatysady. Deńgeıleri joǵary bolǵandyqtan, jarys ta ońaı bolmady. Biraq daıyndyǵymnyń arqasynda alǵa qoıǵan maqsatyma jettim», – dedi Galysheva. «Aýa raıy óte qolaıly boldy. Keshe qar jaýǵandyqtan búgin bizge yńǵaıly boldy. Al jankúıerlerdiń qoldaýyn sózben aıtyp jetkize almaımyn. Boıyńa jiger berip, jeńiske qaraı jeteleı túsedi», – dedi qysqy Azııa oıyndarynyń altyn júldegeri. «Qarsylasym Mıkı Ito Almatyǵa kelip, ekinshi oryn alyp ketken. Úlken jarystarǵa qatysyp júrgendikten, ońaı bolmady. Sondaı-aq, jattyqtyrýshymdy aýystyrdym. Endi Olımpıadada bıikten kórinemin dep úmittenemin», – dedi ol. Aıta keteıik, búgin frıstaılshy Iýlııa Galysheva paralleldi mogýldan Japonııada ótip jatqan qysqy Azııa oıyndarynda altyn júldege qol jetkizdi.