Alvarestiń promoýteri: «Kanelo» eshqashan Golovkınnen qoryqqan emes

Golden Boy kompanııasynyń jetekshisi, meksıkalyq kásipqoı boksshy Saýl «Kanelo» Alvarestiń promoýteri Oskar De La Hoııa qazaqstandyq Gennadıı Golovkınge jekpe-jek ótkizý máselesi jóninde usynys jasalǵanyn málimdedi. Bul týraly allboxing.ru habarlady. «Kanelo» aldymen 6 mamyrda kishi Chavespen aıqasýy qajet. Árıne, otandasyna qarsy qıyn jekpe-jek kútip tur. Biraq biz bárin aldyn ala júzege asyryp otyrmyz. Golovkınge buǵan deıin eshkim dál mundaı tıimdi usynys jasamaǵan. Endigi sheshim GGG-diń enshisinde», – dedi Oskar De La Hoııa. «Alvares eshqashanda bireýden jasqanyp, jekpe-jekten qashqan emes Ol tek úzdiktermen judyryqtasqysy keledi. Nebári 26 jasynda kishi Floıd Meıýezer, Erıslandı Lara, Sheın Moslı, Mıgel Kotto syndy nebir ataqty boksshylarmen kúsh synasyp úlgerdi. Endi mine, kezekte kishi Hýlıo Sesar Chaves tur», – dedi Oskar De La Hoııa. Aıta keteıik, qos boksshy ótken jyldan beri boks keshin uıymdastyrý isinde qarjy máselesi boıynsha ortaq sheshimge kele almaı otyr. Buǵan deıin meksıkalyq boksshynyń ókilderi Gennadıı Golovkınge aıqas úshin 15 mıllıon dollar qarjy usynǵan. Al qazaqstandyq boksshy budan bas tartyp, jalpy túsken qarjyny tepe-teń bólip alýdy maqsat etip otyr.