Elordalyq kásipkerlerge jeke menshik balabaqsha ashý joldary túsindirildi

Astanada elordalyq Oqýshylar saraıynyń bazasynda jeke menshik balabaqsha ashýǵa nıet tanytqan bıznes-qoǵamdastyq ókilderi úshin «MJÁ sheńberinde mektepke deıingi uıymdardy ashý boıynsha kásipkerlerdiń bastamalaryn quqyqtyq jáne kosýltasııalyq qoldaý» taqyrybynda ashyq esik kúnderi ótti. Sharanyń uıymdastyrýshylary  elorda ákimdiginiń qoldaýymen Bilim basqarmasy Kásipkerlik jáne ónerkásip basqarmasymen birlese otyryp. Sonymen birge, kásipkerlerge Qazaqstandyq mektepke deıingi uıymdar qaýymdastyǵynyń, Bas prokýratýranyń, «Atameken» UKP, «Damý» kásipkerlikti damytý qory» AQ, Qarjy, Aýyl sharýashylyǵy, Ulttyq ekonomıka mınıstrlikteriniń jáne ekinshi deńgeıdi bankterdiń qurylymdyq bólimsheleriniń mamandary «bir tereze» qaǵıdaty boıynsha qyzmet kórsetedi. Tańǵy saǵat 9-dan bastap jeke menshik mektepke deıingi uıym ashýǵa nıetti kásipkerlerge atalǵan uıymdy ashý áreketteriniń kezektiligi týraly aqparat berilýde. Sondaı-aq, bıznesmenderge mektepke deıingi mekemeni ashý jáne onyń ary qaraı jumys isteýi úshin qoıylatyn talaptardyń tizimi, mektepke deıingi tárbıe men oqytýǵa memlekettik bilim tapsyrysyn ornalastyrý erejeleri túsindirilip, sondaı-aq, «Bıznestiń jol kartasy - 2020» baǵdarlamasy sheńberinde balabaqshalardy qoldaý jáne damytý boıynsha konsýltasııalar berilýde. Qyzyǵýshylyq tanytqan tulǵalardyń deni - áıelder, deıdi sharanyń uıymdastyrýshylary. «Astana qalasynyń ákimdigi birneshe baǵdarlamany iske qosty, solardyń biri - «Start-bıznes Astana». Atalǵan baǵdarlamanyń sheńberinde isin endi bastaǵan kásipker ekinshi deńgeıli bankterden 8/5% mólsherlememen nesıe ala alady. Oǵan qosa, «Bıznestiń jol kartasy - 2020» sheńberinde mektepke deıingi oqýdy uıymdastyrý jobasyn iske asyrýda kómek kórsete alamyz. Sondaı-aq, eger kásipker balabaqsha salsa, jol kartasynyń sheńberinde oǵan barlyq memlekettik organdardyń tekserisinen ótken soń tegin ınfraqurylym beriledi. Memlekettik-jeke menshik áriptestiktiń sharttary ózara tıimdi. Memleket balalardy qamtıdy, jańa jumys oryndary ashylady, salyq túsedi, al kásipker óz bıznesin dóńgeletip, kirisin kóbeıtip, múmkindikterin arttyrady», - deıdi Kásipkerlik jáne ónerkásip basqarmasy basshysynyń orynbasary Álııa Qojabaeva. Vedomstvo mamandarynyń aıtýynsha, búgingi kúni Astanada «Bıznestiń jol kartasy - 2020» baǵdarlamasy sheńberinde memleketten qoldaý tapqan 30-dan asa mektepke deıingi mekeme jumys isteıdi. Olardyń ishinde 3 mln teńge kóleminde qaıtarymsyz memlekettik grantqa ıe bolǵan bir joba bar. Atap óterligi, aksııa ótken bir saǵattyń ishinde mamandarǵa júzden asa kásipker júgindi. Azamattardyń belsendiligin eskere otyryp, elorda ákimdigi mundaı sharalardy júıeli túrde ótkizip turmaq.