QHR ekinshi bala úshin qarjylaı yntalandyrý engizýi múmkin

Qytaı bıligi ekinshi balasyn ómirge ákelgen otbasylardy qoldaý úshin qarjylaı sharalar engizýdi kózdeýde, dep habarlaıdy Qazaqparat. "Jenmın jıbao" gazetiniń elektrondy nusqasynda jazylǵandaı, el azamattary materıaldyq qıyndyqtar saldarynan ekinshi balany ómirge ákelýden bas tartýda. «2015 jyly saýalnama júrgizilgen otbasylyq juptardyń 60%-y ekonomıkalyq sebepterge baılanysty ekinshi balany týýdan bas tartatyndyǵyn habarlaǵan.  QHR Densaýlyq saqtaý jáne bala týýdy shekteý memlekettik komıteti basshysynyń orynbasary Van Peıannyń aıtýynsha, úkimet eldegi otbasylardyń ekinshi balany ómirge ákelýlerine yntalandyrý maqsatynda qoldaý kórsetip, sonyń ishinde aqshalaı tólemder men sýbsıdııalar engizýdi kózdeýde», - delingen basylymda. 2016 jyly Qytaıda «bir otbasy - bir bala» saıasaty joıylǵannan keıin 17,8 mln bala ómirge kelgen. Bul kórsetkish 2015 jylmen salystyrǵanda 1,3 mln balaǵa artqan. Týý kórsetkishi sońǵy 20 jylda eń joǵary ósimge ıe bolǵan.