Mars ǵalamsharynyń sırek kezdesetin fotosy jarııalandy

AQSh-tyń Aeronavtıka jáne ǵarysh keńistigin zertteý jónindegi ulttyq basqarmasy (NASA) Mars ǵalamsharynyń sırek kezdesetin sátin fotoǵa túsirdi. Bul sýret nasa.gov saıtynda jarııalandy. Osy sýretke qarap ǵalymdar Marstyń betki qabaty usaq túıirshek zattarǵa toly bolýy múmkin degen boljam jasady. Sondaı-aq, mamandardyń pikiri boıynsha túıirshek zattardyń astynda sırek kezdesetin, baǵaly mıneraldar bolýy múmkin. Sýrette qum tóbeniń de bary baıqalady. «Tústeri oıpattardyń pishinine sáıkes qanyq bola túsedi», – deıdi ǵalymdar. Jańa foto Marsty zertteý úshin qurylǵan Mars Reconnaissance Orbiter ǵarysh kemesiniń bortyndaǵy High Resolution Imaging Science Experiment (HiRISE) kamerasy arqyly túsirildi. NASA-nyń sarapshylary 2020 jyly ǵarysh kóligin túsirý úshin yńǵaıly oryndardy qarastyryp otyr. Aqpan aıynyń basynda Qyzyl ǵalamshardyń úsh bólikke bólip túsken fotosyn jarııalady. Mamandar soltústik-shyǵysyndaǵy Úlken Sırt, Ejero krateri jáne Hıllz Kolýmbııasynyń oryndary yńǵaıly degen boljam jasap otyr.