Astanada 500 jumyssyzǵa tegin oqytý kýrstaryn uıymdastyrý josparlanyp otyr, dep habarlady qalanyń qyzmet kórsetý ortalyǵy.
Astanalyqtar úshin mektepke deıingi mekemelerdiń tárbıeleýshilerin daıyndaý, naýbaıhanashy, aspaz, tiginshi, shashtaraz, elektromonter, elektr qondyrǵylary boıynsha jóndeý jumystaryn júrgizý, daıashy boıynsha qysqamerzimdi kýrstar uıymdastyrý josparlanǵan.
Halyqty jumyspen qamtý jónindegi vedomstvoaralyq komıssııa ótinishter men qysqamerzimdi oqytýǵa qatysýǵa úmit bildirgenderdiń tanystyrylymyn qarap shyqty. Aıta keteıik, 2017 jyly 2017-2021 jyldarǵa arnalǵan tıimdi jumyspen qamtý jáne buqaralyq kásipkerlikti damytý baǵdarlamasy aıasynda 500 jumyssyz adamdy tegin oqytý kýrstarynan ótkizý josparlanýda.
Aıta keteıik,óz múmkindikteri men áleýetin 14 oqytý ortalyǵy men Astana kolledjderi tanystyrdy. Komıssııa qorytyndysy boıynsha 8 bilim berý mekemesi tańdaldy.
