Portaldyń habarlaýynsha, birinshi aýyr salmaqta WBA tujyrymy boıynsha álem chempıony Beıbit Shúmenov (17-2, 11 KO)Astanada EHRO kezinde ótetin boks keshinde judyryqtasýǵa daıyn ekenin aıtqan.
«Jýyrda ǵana jaqyn dosym Qanat Islammen sóılestim. Ol Astanada jekpe-jek ótkizetini týraly aıtyp, oǵan meni de qatysýymdy surady. Men eger múmkindik bolatyn bolsa, óz halqymnyń aldynda qýana jekpe-jek ótkizetinimdi aıttym. Árıne, meniń de bul boks keshine qatysqym keledi. Álemniń ár jerinde jekpe-jek ótkizip júrgen elimizdiń boksshylary jınalyp, Astanada óner kórsetsek, bul jankúıerler úshin umytylmas estelik bolaryna senemin. Tek qazaqstandyq jankúıerler úshin emes, álemdegi kásipqoı boksqa qyzyǵatyndar úshin bul óte qyzyq. Sebebi qazaq boksshylarynyń judyryqtasý stılin sheteldikter jaqsy kóredi, joǵary baǵalaıdy. Qazaqstandyq jankúıerler aldynda jekpe-jek ótkizbegenime 6 jyldaı bolypty. Eldiń qıqýyn, qoldaýyn saǵyndym. Taýda júgirip, bulaq sýyn iship, qazy-qartamen qýattanatyn kún de alys emes sııaqty. 9 qyrkúıekte álem nazary Astanada bolady!», — deıdi Shúmenov.
