Negizgi basymdyq retinde halyqqa túsetin júktemeni barynsha azaıtý, ınflıasııalyq qysymdy tejeý jáne turǵyndardy sapaly ári qoljetimdi kommýnaldyq qyzmettermen qamtamasyz etý bolyp qala beredi.
Tarıftik saıasat, eń aldymen, tirshilikti qamtamasyz etý júıeleriniń senimdi jumysyn qamtamasyz etýge, qajetti jóndeý jumystaryn júrgizýge, ınfraqurylymnyń tozý deńgeıin tómendetýge jáne apattardyń aldyn alýǵa baǵyttalǵan.
Múmkin bolatyn ózgerister núktelik ári qalypty sıpatta bolady. Árbir sheshim tek obektıvti jáne ekonomıkalyq turǵydan negizdelgen faktorlar negizinde qabyldanady.
Sonymen birge Energetıka mınıstrliginiń aqparatyna sáıkes, 2026 jylǵy 1 sáýirden bastap elektr energııasyna arnalǵan shekti tarıfter 2025 jylǵy deńgeıde ózgerissiz saqtalady.
Aıta keteıik, 2025 jylǵy jeltoqsanda Energetıka mınıstrligi 2026-2032 jyldarǵa arnalǵan elektr energııasynyń shekti tarıfterin bekitip, olardy 2025 jylǵy deńgeıde turaqtandyrdy.
Mınıstrliktiń málimetinshe, Qazaqstanda janar-jaǵarmaı baǵasy naryqtyq qaǵıdattar negizinde qalyptasady. Sonymen qatar Úkimet halyq múddesin qorǵaýdy basym baǵyt retinde saqtaı otyryp, baǵalardyń kúrt ári negizsiz ósýine jol bermeıdi.
«QTJ»-nyń jańa tarıftik saıasaty otandyq taýar óndirýshilerdiń múddelerine nuqsan keltirýi múmkin
Jaǵdaı turaqty baqylaýda: elde janar-jaǵarmaı tapshylyǵy joq, qajetti qorlar tolyq kólemde qalyptastyrylǵan. О́ńirlerde jergilikti atqarýshy organdar, salalyq vedomstvolar jáne naryq ókilderiniń qatysýymen jedel monıtorıng shtabtary jumys istep jatyr.
Olar kún saıyn baǵa deńgeıin, janar-jaǵarmaıdyń qoljetimdiligin jáne jetkizý logıstıkasyn baqylap, kez kelgen aýytqýlarǵa jedel áreket etý jáne ishki naryqtaǵy turaqtylyqty qamtamasyz etý maqsatynda jumys júrgizip jatyr.
