Bul mindetter Sársen Amanjolov atyndaǵy Shyǵys Qazaqstan ýnıversıteti úshin de asa ózekti.
Aımaqtyq joǵary oqý orny retinde biz óńirdiń áleýmettik-ekonomıkalyq damýyna tikeleı yqpal etetin kadrlardy daıarlaýdy basty basymdyq retinde qarastyrǵan.
Ýnıversıtette bilim berý baǵdarlamalaryn jańǵyrtý, dýaldy oqytý júıesin damytý, jumys berýshilermen tyǵyz áriptestik ornatý baǵytynda júıeli jumystar júrgizilip jatyr. Atap aıtsaq, segiz jylda stýdentterdiń sany 4000-nan 10 000-ǵa deıin ósti. Bul aımaqtyq bilimniń sońǵy jyldary qarqyndy damyp kele jatqanynyń belgisi.
S.Seıfýllın atyndaǵy ýnıversıtet alǵash ret QS WUR by Subject 2026 reıtıngine endi
Ǵylym salasyna qatysty Prezıdenttiń tapsyrmalary da ýnıversıtet qaýymdastyǵy úshin mańyzdy. Ǵylymı zertteýlerdiń praktıkalyq tıimdiligin arttyrý, jas ǵalymdardy qoldaý, qoldanbaly ǵylymdy damytý – búgingi kúnniń basty talaby. Bul rette granttyq qarjylandyrý tetikterin jetildirý, zertteý ınfraqurylymyn nyǵaıtý jáne halyqaralyq ǵylymı yntymaqtastyqty keńeıtý erekshe mánge ıe.
«Shyǵys Qazaqstan óńiriniń ereksheligin eskere otyryp, ýnıversıtet bazasynda ekologııa, óńdeý ónerkásibi, sıfrlyq tehnologııalar, pedagogıka jáne medısına salalary boıynsha ǵylymı jobalar iske asyrylyp jatyr. Bul jobalar aımaqtyń naqty máselelerin sheshýge baǵyttalyp, ǵylymnyń qoǵamǵa qyzmet etý qaǵıdatyn júzege asyrýǵa múmkindik beredi. Máselen, ýnıversıtet ǵalymdary sý sapasyn jaqsartýǵa baǵyttalǵan mańyzdy ǵylymı jobany sátti júzege asyrdy. Búginde 3 satyly sý tazartý fıltrin óndirý tehnologııasyn kommersııalandyrý jumystary júrgizilip jatyr. Prezıdent atap ótken «naqty nátıje» uǵymy dál osyndaı ǵylymı-bilim berý bastamalarymen tikeleı baılanysty», deıdi Sársen Amanjolov atyndaǵy Shyǵys Qazaqstan ýnıversıtetiniń basqarma tóraǵasy-rektory Muhtar Tólegen.
Sonymen qatar, keńeıtilgen otyrysta sıfrlandyrý men basqarý tıimdiligi máseleleri de qozǵaldy. Ýnıversıtette bul baǵytta da naqty qadamdar jasalyp, zamanaýı bilim berý ekojúıesin qalyptastyrý jolǵa qoıyldy.
