foto: pixaboy
Islam revolıýsııasy saqshylary korpýsynyń málimdemesinde AQSh-tyń aqparattyq-kommýnıkasııalyq tehnologııalar jáne jasandy ıntellekt salasynda jumys isteıtin kompanııalary túrli shabýyldardy josparlaý men nysanalardy anyqtaýǵa qatysady dep kórsetilgen. Osyǵan baılanysty Iran tarapy olardy «jaýap soqqysynyń zańdy nysanasy» retinde qarastyratynyn eskertti.
Tasnim agenttiginiń málimetinshe, yqtımal nysandar qatarynda Microsoft, Apple, Google, Meta sııaqty alpaýyttarmen birge Cisco, HP, Intel, Oracle, Nvidia, Tesla jáne Boeing kompanııalary da atalǵan. Bul kompanııalardyń Taıaý Shyǵystaǵy keńseleri men ınfraqurylymdary qaýip aımaǵynda bolýy múmkin.
Iran AQSh-pen kelissózder júrgizilip jatqanyn joqqa shyǵardy
Sondaı-aq, Islam revolıýsııasy saqshylary korpýsy óńirdegi osy kompanııalarda jumys isteıtin qyzmetkerlerge qaýipsizdik maqsatynda jumys oryndaryn ýaqytsha bosatýdy usyndy.
Aıta keteıik, búgin Iran Dýbaı mańynda munaı tankerine shabýyl jasaǵan edi. Osy tusta AQSh prezıdenti Donald Tramp eger Iran Ormuz buǵazyn ashpasa, Amerıka onyń energetıkalyq nysandary men munaı ken oryndaryn jermen-jeksen etetinin málimdedi.
