Qazaqstandyq boksshy osy aıqas úshin 2,5 mıllıon dollar alsa, Denıel Djeıkobsqa 1,75 mıllıon dollar kóleminde beriledi. Bul jekpe-jekti HBO telearnasy aqyly túrde (RRV) kórsetetin bolady. Sonymen qatar, RRV júıesi boıynsha túsetin qarjynyń da bir mólsheri boksshylarǵa tıesili.
Qos boksshy keshe aıqas aldyndaǵy sońǵy salmaq ólsheý rásiminen ótti. Gennadıı Golovkın qarsylasynan 9 gramm jeńil bolyp shyqty. Otandasymyzdyń salmaǵy 159,6 fýnt (72,39 kg) bolsa, Denıel Djeıkobstyń salmaǵy 159,8 fýnt (72,48 kg) boldy.
Aıta keteıik, Gennadıı Golovkın men Denıel Djeıkobs arasyndaǵy jekpe-jek 18 naýryz kúni Nıý-Iorktegi Madison Square Garden arenasynda ótedi. Elimizde bul boks keshin «Qazaqstan» men «KazSport» telearnalary tikeleı efırden kórsetedi.
