«Baqylaýdyń osy túriniń tetikteri «reıdtik» tekseristerdi tutynýshylardyń ózine berýge jol ashady. Endi ónimdi satyp alýshy satarmandardyń arasynda oryndy irikteýdi ózderi júrgizedi», — dedi Sultanov.
Buǵan qosa, mınıstrlik e-aýdıt baqylaý júıesin engizbek. Júıeni iri salyq tóleýshiler úshin 2019 jyldyń 1 qańtarynda engizý josparlanǵan.
«Qazirgi ýaqytta Mınıstrlik memlekettik qarjyny – kirister, memlekettik satyp alý jáne jekeshelendirý baǵyttary boıynsha jańǵyrtý barysynda aýqymdy jumys júrgizýde. Baǵyttardy iske asyrý jalpy ishki ónimniń salyq syıymdylyǵyn keńeıtý, bıznesti júrgizý sharttaryn jaqsartý, syrtqy saýda aınalymyn jyldamdatý, ekonomıkaǵa memlekettiń qatysýyn qysqartý, sondaı-aq memlekettik satyp alý júıesin jetildirý arqyly júzege asyrylatyn bolady. Budan basqa, memlekettik bıýdjet shyǵystarynyń bir bóligin, memlekettik-jekeshe áriptestik qaǵıdattaryn qoldana otyryp, básekeles ortaǵa berý múmkindigi qaralýda. Osy sharalardyń arqasynda biz belgili bir merzim ishinde bıýdjetke aıtarlyqtaı «bosatylǵan» shyǵystar alýdy josparlap otyrmyz. Olar bilim men ǵylym jáne ǵylymdy qajet etetin salalardy damytý arqyly adamı kapıtaldy damytýǵa qaıta baǵyttalatyn bolady», — dedi Qarjy mınıstri.
