Vedomstvo basshysynyń aıtýynsha, ótken jyly Prezıdent Ulttyq qor qarjysyn qurý men paıdalanýdyń jańa tujyrymdamasy bekitildi. Soǵan saı, 2020 jyldan bastap respýblıkalyq bıýdjettegi kepildendirilgen transfert kólemi 2 mlrd 880 mln teńgeden 2 mlrd teńgege deıin qysqartylady. Sol sebepti 2018-2020 jyldarǵa arnalǵan respýblıkalyq bıýdjet jobasy osy ózgeristerdi esepke ala otyryp jasalady. Sonymen qatar, kvazımemlekettik sektordyń oblıgasııalyq qaryzdaryna Ulttyq qor qarjysy bólinbeıtin bolady. Jáne de Ulttyq qor jekeshelendirýdiń arqasynda túsken qarajatpen tolyqtyrylady.
«2017 jyldyń 1 qańtaryndaǵy jaǵdaı boıynsha kepildendirilgen qaryzdy qosa eseptegende Úkimettiń moınyndaǵy qaryz 49,4 mlrd dollardy quraıdy. Osyǵan oraı, Májilis Bıýdjet kodeksine kvazımemlekettik sektordyń syrtqy qaryzyna monıtorıng júrgizý jáne baqylaý ornatý engizildi», — deıdi mınıstr.
Mınıstrdiń aıtýynsha, qor aktıvterin saqtaý men tabysyn arttyrý maqsatynda Ulttyq bank Ulttyq qor jınaqtaý portfeliniń aktıvterin ártaraptandyrý saıasatyn jalǵastyratyn bolady.
Osylaısha, munaı baǵasyn 50 dollarmen eseptegende, Ulttyq qordyń aktıvi 2020 jylǵa qaraı 80 mlrd dollarǵa kóbeımek.
