Bul – arbaǵa tańylsa da, eńsesin túsirmeı, el mereıin asyryp júrgen qaısar qyzdyń alǵashqy jetistigi emes. Ol múmkindigi shekteýli jandar arasynda ótken HV ashyq Azııa chempıonatynda da tuǵyrdyń eń bıiginen kóringen bolatyn.
«Zarınanyń armrestlıngpen shuǵyldanyp júrgenine bir jyldan asty. Jeke bapkeri Ersaıyn Shoqparov boıjetkendi sport seksııasyna jazylýǵa ázer degende kóndirgenin aıtyp edi. Endi, mine, tókken ter, etken eńbekteri elenip jatyr. Zarınanyń sportqa degen qulshynysy erekshe. Byltyr bul chempıonatqa bar bolǵany 18 sportshy qatysyp edi, bıyl olardyń sany 87-ge jetti», – deıdi elimizdiń gir sporty jáne armrestlıng federasııasynyń atqarýshy dırektory Sergeı Sokolov.
Bul saıysta Shyǵys Qazaqstan quramasy jalpykomandalyq esepte úshinshi oryndy ıelendi. Zarına Prımaktan bólek Danııar Taımenov, Sergeı Antropov, Vladımır Ýfımsev, Dıas Eskermetov, Tilek Esqojın syndy shyǵysqazaqstandyq sportshylar júldegerler qatarynan kórindi.
Oblys quramasy bıyl 5-12 shildede Qyrǵyzstanda ótetin Azııa chempıonatyna qatysady.
Azamat QASYM,
«Egemen Qazaqstan»
