Sapar barysynda «Sportklýb Mańǵystaý-Arena» kóp fýnksııaly sport kesheniniń jumysymen tanysyp, kúres zalyn jáne kóp fýnksııaly zaldy aralap kórdi.
Budan bólek, Nursultan Nazarbaev qaladaǵy sport salasynyń ókilderimen áńgimelesti. Olardyń arasynda qysqa qashyqtyqqa júgirýden KSRO-nyń birneshe dúrkin jeńimpazy, rekordshy Á.Tuıaqov, bokstan álem chempıonattarynyń jáne Olımpıada oıyndarynyń kúmis júldegeri Á.Nııazymbetov, sondaı-aq, tanymal sportshylar, jattyqtyrýshylar men sport ardagerleri boldy.
Sportshylar jan-jaqty qoldaýy men qamqorlyǵy úshin Memleket basshysyna alǵys bildirdi.
Keshen demeýshilerdiń qarajatyna salynǵan. Onda fýtbol, basketbol, voleıbolmen shuǵyldanýǵa, sondaı-aq, jekpe-jek saıysymen jáne jeńil atletıkamen aınalysýǵa arnalǵan zaldar bar.
