Taraptar Halyqaralyq mamandandyrylǵan kórmege daıyndyqty, sondaı-aq Qazaqstan astanasynda EKSPO-2017 kórmesiniń ashylý kúninde óz jumysyn bastaıtyn ShYU múshe memleketteri basshylarynyń Sammıtin talqylady.
"ShYU-nyń bul Sammıti tarıhı oqıǵa bolmaq. Basty erekshelik dál sol 9 maýsymnyń keshinde biz Astanada ózge, budan da myqty uıymdy qabyldaıtyn bolamyz", - dep atap kórsetti ShYU Bas hatshysy Rashıd Álimov.
R. Álimov óz sózinde ShYU úshin óz pavılony arqyly uıymnyń qorshaǵan ortany jaqsartýdaǵy úlesi men ekologııalyq baǵdarlamalardy qoldap otyrǵanyn kórsetý óte mańyzdy ekenin aıtty. EKSPO-2017 kórmesiniń qarsańynda ShYU Qytaıda Kórme jáne óz pavılonynyń tusaýkeserin ótkizbekshi.
Aıta keteıik, maýsymnyń 10 men qyrkúıektiń 10 arasynda Astana qalasynda 5 mıllıon kelýshileri kútiletin Halyqaralyq mamandandyrylǵan kórme ótedi.
