Buǵan deıin habarlaǵanymyzdaı, Dımash baıqaýdyń jartylaı fınalynda ıtalııalyq ánshi Adrıano Chelentanonyń «Confessa» ánin jáne «5-elementtegi» arııany qosa shyrqap, aqtyq básekege jetti. Qytaılyq Sina weibo áleýmettik jelisindegi aqparat boıynsha fınalǵa joldama alǵan 8 ánshi qytaı estradasynyń juldyzdarymen jup bolyp óner kórsetedi.
«Singer» baıqaýynyń jartylaı fınaly Hýnan telearnasynan 8 sáýir kúni kórsetiledi. Baıqaýdyń fınalyn 15 sáýir kúni otandyq Habar arnasynan jáne Hýnan telearnasynan tikeleı efırden tamashalaýǵa bolady.
Aıta keteıik, Shań Venje 1982 jyly Shańhaı qalasynda týǵan. Shanhaı Fýdan ýnıversıtetin bitirgennen keıin ánshilik jolyn bastaǵan. Fransýz jáne aǵylshyn tilderin jetik meńgergen. 2006 jyly Hýnan telearnasynyń «Super Girl» án baıqaýynda bas júldeni jeńip alǵan, sondaı-aq, 2013 jyly «I am singer» baıqaýynyń alǵashqy maýsymynda óner kórsetken. 2012 jyly Parıj qalasynda fransýz ánderi mýzykalyq keshin ótkizgen. Dımash Qudaıbergen kelisimshartqa otyrǵan BGTalent (黑金经纪) prodıýserlik kompanııasynyń negizin qalaýshy.
