Reformalar júzege asyryla bastady

Jıyndy «Astana» halyq­­ara­lyq qarjylyq ortaly­ǵy­nyń atqarýshy dırektory Saıasat Nurbek ashyp, júrgizip otyrdy. 

Kezdesýge qatysqan QSZI dırektory Zarema Shaýkenova óziniń sózinde Pre­zıdent Nursultan Nazarbaev qol qoıyp, 10 naýryzda kúshine engen kons­­­­t­ıtýsııalyq reformalar­dy shart­ty túrde úsh kate­gorııaǵa bólý kerek­­tigin atap ótti. Olar: Par­lament óki­lettiginiń artýy; Úkimet­tiń jaýap­ker­shiligi men ókilet­tiginiń ósýi; jáne Azamattar quqyqtarynyń keńeıýi; Osy úsh kategorııanyń árqaısysy da eldiń demokratııalyq damýyna jol asha­tyndyǵymen mańyzdy ekendigin she­shen óziniń sózinde dáleldep berýge tyrysty.

Saraptamalyq kezdesýge qa­tys­qan ǵylymı-zertteý ınstı­týt­tary­nyń basshylary, belgili qoǵam jáne ǵylym qaıratkerleri, sarapshylar kons­tıtýsııalyq re­formanyń mańyzy men tıim­diligine toq­talyp, óz oılaryn ortaǵa saldy. Sonyń ishinde Úki­­met pen Parlamenttiń ókilet­tikteri­niń artqandyǵy elimiz­de damyp kele jatqan demo­kra­tııalyq úderisterge saı ekendigi atalynyp ótti. Endigi mindet konstıtýsııalyq reformany tıim­dilikpen iske asyryp, ony qoǵam damýy­na qyzmet etkizýge at­salysý ekendigi jetkizildi.

«Astana» halyqaralyq qarjy or­talyǵynyń (AHQO) jumysy týraly da keń kólemdegi aqparattar aıtyldy. Bul ınstıtýt Memleket basshysynyń bastamasymen erkin qarjylyq aımaq qurý maqsatymen quryl­ǵany sóz bolyp, endi ony kons­tıtýsııalyq jańǵyrýǵa sáıkes zań­dylyq turǵydan jetildirý máse­lesi alda turǵany atap ótildi. Ol sheteldik ınvestısııalar­dy tartý maqsatymen qurylǵan. О́ziniń sózinde Saıasat Nurbek halyq­ara­lyq qarjylyq ortalyqtar sany­nyń búgingi tańda artyp otyr­ǵanyn ataı kelip, olardyń ara­syndaǵy básekelestik te ósip otyrǵanyn sóz etti. Barlyq elderde sheteldik ınvestorlar ózderiniń ınvestısııalarynyń quqyqtyq turǵydan qorǵalyp, saıası turǵydan kepildikter beri­lýin qalaıdy. Bizdiń ortalyq osy talaptyń údesinen shyǵa bil­se ǵana básekelestikke tótep bere alady. Sondyqtan, AHQO-nyń negizgi mindeti halyqaralyq quqyq sheńberinde ınves­tısııalardy qorǵaýdyń halyqaralyq stan­dart­taryn qamtamasyz etý. Onyń bul mártebesi Konstıtý­sııa­nyń arnaıy normasymen beki­tilgen, dedi ol.

Jaqsybaı SAMRAT,

«Egemen Qazaqstan»