Sol saýalǵa jýyrda mınıstrden jaýap keldi. Onda Qazaqstandaǵy sırk óneriniń damyp kele jatqanyna bıyl 47 jyl bolatyndyǵyn aıta kelip, onyń mamandaryn J.Elebekov atyndaǵy respýblıkalyq estradalyq sırk kolledji daıyndap jatqanyn aıtypty. О́ziniń 50 jyldyq ómirinde bul oqý orny 360 maman daıyndap shyǵarǵan eken. Al 2009 jyldan bastap T.Júrgenov atyndaǵy Qazaq Ulttyq óner akademııasy «Sırk rejıssýrasy» degen mamandyq boıynsha joǵary bilimdi mamandar daıyndaýdy qolǵa alypty. Osy jaǵy bolmasa, sırk ónerine joǵary bilimdi bolýdyń tipti, mindetti de emes ekenin depýtatqa jaýap astarlap berilgen sııaqty.
Senator Álı Bektaevtyń jergilikti polısııa qyzmetindegi olqylyqtarǵa nazar aýdaryp, Premer-Mınıstrge joldanǵan saýaly «Egemende» jarııalanǵan. Jýyrda sol saýalǵa jaýap kelip, onda bylaı delinipti: «Qazirgi ýaqytta, Memleket basshysynyń tapsyrmasyna sáıkes, múddeli memlekettik organdar JPQ jumysyna turaqty túrde monıtorıng júrgizýde jáne qyzmettiń qalyptasýyna qaraı elimizdiń óńirlerinde quqyqtyq tártip pen qoǵamdyq qaýipsizdikti qamtamasyz etý salasynda onyń fýnksııalary men ókilettikterin odan ári jetildirý jóninde sharalar qabyldanady.
Úkimettiń 2017 jylǵy birinshi jarty jyldyqqa arnalǵan jumys josparynda JPQ jumysyn uıymdastyrýdy jetildirý jáne tıimdiligin arttyrý jónindegi is-sharalar kózdelgen».
Sondaı-aq, senator Murat Baqtııarulynyń ań men qustardy atýǵa shekteý sharalarynyń qarastyrylý tıimdiligi tómen ekendigi aıtylyp, dabyl kótergen saýaly da jarııalanǵan edi. Oǵan Premer-Mınıstrden mynadaı jaýap keldi: «Úkimettiń jaýaby múddeli memlekettik organdarmen qaralyp, pysyqtalǵannan keıin usynylady.
Parlament Májilisinde qaralyp jatqan «Qazaqstan Respýblıkasynyń keıbir zańnamalyq aktilerine ósimdikter jáne janýarlar dúnıesiniń máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańy jobasynyń sheńberinde ańshylyq sharýashylyǵy sýbektileriniń jabaıy janýarlardy eriksiz jáne jartylaı erikti jaǵdaılarda ósirýin yntalandyrýǵa baǵyttalǵan normalar qarastyrylǵanyn habarlaımyn».
