Rýhanı jańǵyrý – ult negizi!

El retinde irgesi bekip, álemdik moı­yn­dalýdyń bıigine kóteril­gen Qazaq Eli óz damýynyń jańa  kezeńi­ne ótkeni – tarıhı aqıqat.

Elbasy Nursultan Ábishuly Nazarbaev jyl basyndaǵy halyq­qa Jol­daýynda el tarıhynyń ja­ńa dáýiri bas­talǵanyn aıta kelip, Qazaqstannyń úshin­shi jańǵyrýyn jarııalaǵan bolatyn.

«Bolashaqqa baǵdar: rýhanı jań­ǵyrý» – Qazaqstan jurt­shy­ly­ǵyna usynyp otyrǵan Qazaqstan Pre­zı­de­ntiniń jańa dáýir keńis­ti­gindegi el taǵ­dyryn anyqtap, mem­­leketimizdiń damýyn tanýǵa, baǵyt-baǵ­daryn belgileýge jańa keńistik ashar úshinshi jańǵyrý dáýiriniń irgeli tarıhı qu­jaty ekenine kózimiz jete tústi.

Aıtýly tarıhı qujat negizinen ja­han­daný jaǵdaıynda ulttyq memleket qu­rýdyń syry men sıpatyn jan-jaqty taldaı otyryp, HHI ǵasyrdaǵy ulttyq sa­nany saqtaý men óristetýdiń naqty jol­daryn usynady.

Elbasy arǵy-bergi dáýirler táji­rı­be­si men memleket qurý úlgilerin sa­ralaı otyryp, jany, júregi, oılaý keńistigi álemdik básekelestik jaǵ­daıynda ómir sú­rýge meılinshe beı­im urpaq ósirip, ult tárbıeleý qa­jettiligine aıryqsha toqtalǵan. «Kún sanap ózgerip jatqan dúbirli dúnıede sana-sezimimiz ben dú­nıe­­ta­nymymyzǵa ábden sińip qalǵan tap­­­taýryn qaǵıdalardan aryl­ma­­saq, kósh basyndaǵy eldermen t­e­­rezemizdi te­ńep, ıyq túıistirý múm­­­kin emes. О́z­gerý úshin ózimizdi myq­tap qolǵa alyp, zaman aǵymyna ıkem­delý arqyly ja­ńa dáýirdiń ja­ǵym­dy jaqtaryn boı­ǵa si­ńirýimiz ke­rek», – degen Elbasy us­ta­ny­my osy aıtqanymyzdyń aıǵaǵy.

­Bizder, qalamgerler qaýymy el erteńin anyq­taı­tyn ult ómiriniń basty baǵ­dary – rýhanı jań­ǵyrý degen El­ba­sy ustanymyn tolyǵymen qol­daı­myz! О́ıtkeni, búgingi Qazaqstan – oń-solyn tarazylaı otyryp, elikteý men solyqtaý­ǵa boı aldyrýdyń qanshama qa­ter­li ekenin tolyq sezingen ári Nursultan Nazarbaevtyń sózimen aıt­qanda, «HH ǵasyrdaǵy batystyq jań­ǵy­rý úlgisiniń búgingi zamanynyń bolmy­sy­na saı kelmeýiniń syryn» jan dú­nıe­simen uǵynǵan jańa turpatty el. Biz – óz áleýetimiz ben óz aqyl-oı­ymyz­ǵa, óz qa­biletimizge senýdi ómirimizge serik etken jańa sıpatty Táýelsiz Qazaqstandy or­nyq­ty­rý­shy­larmyz.

Qoǵamnyń jaratylysy men tabı­ǵa­tyn «ulttyń rýhanı kodyn» saqtaı oty­ryp damytýǵa, ýaqyt talabyna saı baǵyttaýǵa jumyldyrý – birtutas ult­ty qalyptastyrýdyń úlgisi ekeni kú­mánsiz. Elbasy usynyp otyrǵan san sa­laly, san sıpatty damý men óristeýdiń jol­dary men  mindetteri osynaý Uly Da­la tósindegi jańa turpatty Qazaq eli­niń búgingi baıanyn bekitip, erteńgi bo­la­sha­ǵyn anyqtaýǵa jol ashary anyq. Ult­tyq sanany damýdyń jańa satysyna kó­te­rip, órkendeýdiń jańa  keńistigine alyp shyǵar básekelik qabilet pen prag­matızm ulttyq biregeılikti saqtaý men bilimniń saltanat qurýyn, eldiń evolıýsııalyq damýy men  sananyń ashyq­tyǵyn  qam­tamasyz eter taıaý jyl­da­rdyń el Prezıdenti belgilegen al­ty min­deti – tamyryn tereńnen tartar, óz er­teńin ózi órnekter Uly Dala mem­le­ke­tin máńgilikke baǵyttary kúmánsiz.

Qazaq eliniń keshegisin búginge, b­úginin bolashaqqa jalǵaýdy murat eter rýhanı jańǵyrý haqyndaǵy Elbasy us­tanymy, sóz joq, ult kósegesin kó­ger­tý men urpaq sanasyn tárbıeleýdiń óristi, órkendi joly.

Qazaqstan Jazýshylar 

odaǵy Basqarmasynyń sekretarıaty