Bıyl Festıval alǵash ret birden eki qalada – Astana men Almatyda ótedi. Baǵdarlamaǵa kirgen fılmder alýan túrli janrlardy qamtıdy: shytyrman oqıǵalar, bıopık, Per Rıshar men Krıstıan Klave oınaıtyn komedııa, Katrın Denev oınaıtyn melodrama jáne «Kabachoktyń ómiri» anımasııasy («Oskar» syılyǵynyń nomınanty). Sonymen qatar qazaqstandyq kórermen ádettegideı «Qysqa metr» baǵdarlamasyn tamashalaıdy. Bıyl atalmysh baǵdarlama aıasynda 15 týyndy usynylady.
Festıvaldiń ashylýy (Almaty) men jabylýy (Astana), sondaı-aq onyń negizgi kórsetilimderi Festıvaldiń basty alańy bolyp tabylatyn «Arman» kınoortalyǵynda ótedi. Festıvaldi UniFrance kompanııasy jáne Fransııanyń Qazaqstandaǵy elshiligi jáne «Alliance française» qoǵamdyq uıymy sııaqty seriktesteri uıymdastyrady.
