Taraptar ekijaqty yntymaqtastyqtyń jáne halyqaralyq kún tártibiniń ózekti máseleleri, onyń ishinde Sırııadaǵy ahýaly, Ortalyq Azııadaǵy damý keleshekteri jáne QR BUU Qaýipsizdik Keńesinde turaqty emes músheligi mánmátindegi Aýǵanstanǵa qoldaý kórsetý jónindegi dúnıejúzilik qaýymdastyqtyń sharalary, «Jibek joly ekonomıkalyq beldeýi» qytaılyq bastamasyn iske asyrý barysy jáne halyqaralyq mańyzy, qazaq-nemis saýda-ekonomıkalyq yntymaqtastyǵy, «EKSPO-2017» kórmesine Germanııanyń qatysýy, QR azamattary úshin Shengen elderine barý úshin vızalyq tártipti jeńildetý, QR men EO arasyndaǵy keńeıtilgen seriktestik jáne yntymaqtastyq týraly kelisimniń ratıfıkasııalaýy boıynsha máseleleri talqylandy.
Q. Ábdirahmanov 4 sáýirde Qazaqstan barlyq múddeli taraptardyń qatysýymen, BUU jáne Hımııalyq qarýǵa tyıym salý jónindegi uıym qoldaýymen Sırııada hımııalyq qarýdy qoldanýy múmkin faktisine qatysty obektıvti, jan-jaqty jáne tııanaqty tergeý júrgizetinin atap ótti. Sonymen qatar, Mınıstr Qazaqstan Sırııada turaqty bitimge jetý maqsatynda Astana kelissózder prosesin jalǵastyrý úshin ári qaraı platformany qamtamasyz etýge daıyn ekenin atady.
Ortalyq Azııa men Aýǵanstandaǵy ahýal týraly aıtqanda, Q. Ábdirahmanov Qazaqstan ekijaqty negizde kómek kórsetýde jalǵastyratynyn atap, Aýǵanstanǵa qolǵabys kórsetýde kópjaqty mehanızmderin qoldaý týraly óńirdiń barlyq bes eldiń tásilderi ortaq ekenin mańyzdy fakt retinde atap ótti.
Q. Ábdirahmanov Qazaqstan men Germanııa arasynda dıplomatııalyq qatynastar ornaǵan kezeńnen bastap 25 jyl ishinde elderimiz arasynda ekijaqty yntymaqtastyqtyń joǵarǵy damý deńgeıine jetkenin, aýqymdy sharttyq – quqyqtyq bazasynyń qurylǵanyn, qomaqty kólemde dıalogtyq alańdar men ózara is-qımyl tetikterdiń istep turǵanyn atap ótti. Mınıstr ózara áreket etýdi damytýda parlamenttik dıplomatııanyń mańyzdy rólin basa atap, sondaı-aq nemis tarapyn Qazaqstandaǵy sońǵy konstıtýsııalyq reformanyń máni týraly habardar etti.
О́z kezeginde, M. Grýnd Qazaqstanmen parlamentaralyq yntymaqtastyq máselelerimen 20 jyldan astam aınalysý barysynda elimizdiń saıası jáne áleýmettik-ekonomıkalyq tabysty damýyn qyzyǵýshylyqpen baıqaǵanyn aıtty. «Prezıdent Nursultan Nazarbaevtyń basshylyǵymen el ishinde etnosaralyq kelisimdi qamtamasyz etip qoımaı, sondaı-aq teńdestirilgen syrtqy saıasatty qurdy, al qazir Qazaqstan Ortalyq Azııadaǵy turaqtylyqtyń kepili bolyp tabylady», - dep atady Germanııa Býndestagynyń múshes. Sonymen birge, ol demokratııa men saıası júıeniń turaqtylyq qaǵıdattaryn nyǵaıtýǵa baǵyttalǵan Qazaqstan Respýblıkasynyń Konstıtýsııasyna sońǵy ózgeristeriniń oń sıpatyn atap ótti.
Taraptar áriptestiktiń «de-fakto» strategııalyq deńgeıin belgiledi. Qazirgi tańda Qazaqstan ekonomıkasynyń sheteldik ınvestorlarynyń arasynda Eýropa elderi ishinen Germanııa basty ondyqqa jáne memleketimizdiń saýda áriptestiginiń basty bestigine kiredi.
2016 jyly saýda aınalymy 1,7 mlrd. AQSh doll. qurady. Qazaqstan men Germanııa arasyndaǵy Shıkizat, ónerkásip jáne tehnologııalyq salalardaǵy áriptestik týraly kelisimniń birlese iske asyrylýy eki el arasyndaǵy saýda-ekonomıkalyq yntymaqtastyqtyń damýynda mańyzdy ról atqarady.
2012 jyldan bastap Qazaqstanda qosarly kásiptik-tehnıkalyq bilim berý salasynda «Nazarbaev-Merkel» bastamasy boıynsha germandyq model engizilýde.
Almatyda ornalasqan Qazaq-nemis ýnıversıteti, Gıote atyndaǵy ınstıtýttyń jáne Nemis akademııalyq almasýlar qyzmetiniń (DAAD) Qazaqstandaǵy ókildikteri bilim berý salasyndaǵy yntymaqtastyqtyń basqa jemisti úlgisi bolyp tabylady. Sonymen qatar, Germanııada bilim alatyn qazaqstandyq stýdentter sanynyń kóbeıýine baılanysty, 2009 j. GFR-da «Bolashaq» halyqaralyq baǵdarlamalar ortalyǵynyń ókildigi ashyldy.
Kezdesý barysynda, Q. Ábdirahmanov Qazaqstan men eki el arasyndaǵy, sondaı-aq Eýropalyq odaqpen jalpy adamı baılanystaryn ári qaraı keńeıtý taqyrybyn jeke atap, Qazaqstan óz tarapynan salmaqty qadam basýda ekenin atap ótti. Osylaısha, jyl basynan Ekonomıkalyq yntymaqtastyq jáne damý uıymy jáne EO múshe memleketteriniń azamattaryna elimizge kelý maqsatynda tólqujattardyń barlyq túrlerine 30 kúnge deıin vızasyz tártip ornatylǵan, shetel ınvestorlary, isker delegasııalary jáne týrısterdiń elge kelýin jeńildetý boıynsha sharalar qabyldaýda áreket etilýde. Sonymen birge, Qazaqstan azamattardy qujattandyrý salasynda baqylaý standarttaryn arttyrýda, memleket retinde kóshi-qon táýekelin kórsetpeıdi, sondyqtan qazaqstandyqtar úshin shengen aımaǵy elderine barý vıza tártibin jeńildetý boıynsha eýropalyq tarapynan KSYK-ta bekitilgen kelisimderge sáıkes keletin yńǵaılaspa mámilesin kútýde.
KSYK ratıfıkasııalaý taqyrybyn talqylaý kezinde taraptar barlyq múddeli taraptardyń múddesine jaýap beretin atalǵan aýqymdy kelisimniń tolyq jáne tez kúshine enetinine, jáne de bul baǵytta belsendi jumysyn jalǵastyrýǵa kelisti.
German delegasııasynyń Astanada bolatyn kezinde Parlamenttiń qos palatalarynyń tóraǵalarymen, QR Investısııalar jáne damý mınıstriliginiń jáne «Astana EKSPO-2017» AQ basshylyǵymen kezdesýleri josparlanýda.
