Jyldyq ınflıasııanyń tómendeýine azyq-túlikke jatpaıtyn taýarlar boıynsha baǵanyń ósý qarqyndarynyń baıaýlaýy yqpal etti, oǵan teńgeniń aıyrbastaý baǵamynyń nyǵaıýy áser etti. Jyldyq ınflıasııa negizinen azyq-túlik baǵalarynyń ósiminen týyndady. Bul rette azyq-túlik baǵasynyń aılyq ózgerýi aıtarlyqtaı baıaýlady, bul aldaǵy ýaqyttaǵy ınflıasııaǵa oń áser etpek.
Aqyly qyzmetterge baǵanyń ósý qarqyndary qalypty bolyp qalýda jáne jyl basynan bastap ótken jyldardyń osyndaı kezeńderimen salystyrǵanda barynsha tómen deńgeıde.
Naýryzda halyq arasynda júrgizilgen saýalnama nátıjeleri boıynsha, azyq-túlik ónimderi baǵasynyń ósýi ınflıasııanyń negizgi kózi bolǵany anyqtaldy.
