«Qazaqstan Prezıdenti Nursultan Nazarbaevtyń «Bolashaqqa baǵdar: rýhanı jańǵyrý» maqalasymen tanysyp shyqtym, onda eldiń keleshek damýyna qajetti baǵdarlar berilgenin senimdi aıta alamyn.
О́zim ǵylym men bilim berý salasynyń ókili bolǵandyqtan, Qazaqstan basshysynyń álemniń damyǵan 30 eli qataryna kirýdiń mańyzdy faktorlarynyń biri retinde bilim berý máselesin erekshe nazarǵa alýy oıymnan shyqty.
Nursultan Nazarbaev árbir azamat óziniń kúsh-jigeri, bilim alýǵa degen qulshynysy, ózin-ózi damytý arqyly alǵa qoıǵan maqsatyna qol jetkize alatynyn atap ótedi. Qazirgi ýaqytta qarym-qatynastyń zamanaýı tehnologııalaryn, shet tilderin meńgerý mindetti talap bolyp otyr, osy arqyly árbir adam tyń aqparat alyp, basqalardyń tájirıbesin úırenedi jáne alǵan bilimi men jınaqtaǵan tájirıbesin óz eli úshin sarp etedi» dedi professor.
Sonymen qatar Slavko Výksha myrza «Bolashaq» baǵdarlamasynyń mańyzy týraly da aıtty.
«Men «Bolashaq» baǵdarlamasyn biregeı baǵdarlama dep sanaımyn, sonyń arqasynda myńdaǵan qazaqstandyq jastar álemniń úzdik ýnıversıtetterinde bilim alýǵa qol jetkizdi. Álemde osyndaı tıimdi ádis arqyly zaman talabyna saı, alǵan bilimin praktıkada qoldana alatyn mamandar daıarlap otyrǵan sanaýly ǵana el bar.
Kez kelgen eldiń ósip-órkendeýine joǵary bilimi bar ári qazirgi zaman talabyna tez beıimdeletin adamdar qomaqty úles qosady. Árbir adam bilimge ınvestısııa salý, nátıjege qol jetkizýge umtylys jasaý qoǵamnyń damýyna yqpal jasap, óziniń suranystaǵy maman bolýyn qamtamasyz etetindigin túsinýi qajet» dedi serb ǵalymy. Jáne sózin ataqty serb ǵalymynyń pikirimen aıaqtaıdy.
«Álemge áıgili serb ǵalymy Nıkola Teslanyń: «Shamańa qaraı áreket jasa» degen máteldi bilesiz be?». Bul - bos sóz. Adamnyń qolynan bári keledi» degen ulaǵatty sózimen bóliskim keledi» deıdi Slavko Výksha.
