Qujatty «QazAqparat» agenttiginiń bas dırektory Asqar Omarov pen Túrikmenstan memlekettik aqparat agenttiginiń tóraǵasy Bekdýrdy Amansaryev rásimdedi. Asqar Omarov óz sózinde kelisimshartqa Túrikmenstan Prezıdenti Gýrbangýly Berdymuhamedovtiń Qazaqstanǵa memlekettik sapary aıasynda qol qoıylyp otyrǵanyn aıtty.
«Kelisimniń negizgi baǵyty baýyrlas eki eldiń arasyndaǵy baılanystardy nyǵaıtyp, jańalyqtarmen bólisý bolmaq. О́zderińiz de bilesizder, qazirgi kezde Ortalyq Azııa elderiniń arasynda ıntegrasııalyq úderister óte qarqyndy júrgizilýde. Túrikmenstan men Qazaqstan arasynda da birqatar joba bar. Máselen, «Qazaqstan – Túrikmenstan – Iran» temir joly salynǵan. Munan ózge de jobalar iske asyrylýda. Solardyń barlyǵyn Túrikmenstan aqparat agenttiginde, «QazAqparatta» jarııalap otyratyn bolamyz. Iаǵnı, ózara aqparat almasý týraly bul memorandým eki eldi bir-birine jaqyndata túsý úshin jasaldy», dedi «QazAqparattyń» bas dırektory.
О́z kezeginde Bekdýrdy Amansaryev agenttikter arasyndaǵy kelisimge qol qoıý rásimin eki el Prezıdentteriniń mańyzdy kelissózderi aıasyndaǵy tarıhı sát dep baǵalaıtyndyǵyn atap ótti. «Bizdiń halyqtarymyz tarıhy men mádenıeti ortaq baýyrlas halyqtar sanalady. Alǵa qoıǵan maqsatymyz bir, ekonomıkalyq baılanystarymyz joǵary», dep atap ótti ol.
Shara sońynda Bekdýrdy Amansaryevqa shapan jabylyp, qonaqqa saı qurmet kórsetildi. Baýyrlas eldiń ókilderi de qurqol kelmeı, qundy kitap tartý etti.
Raýan QAIDAR,
«Egemen Qazaqstan»
