Joba dástúrli qazaqtyń quraq kórpe úlgisinde jasalǵan úlken panno túrinde usynylǵan. Onyń bıiktigi 10 metr 35,5 santımetr, al salmaǵy 154 kılogramnan asady. Installıasııa tolyqtaı qolmen jasalyp, 3 250 «shańyraq-kvadrattan» quralǵan.
Jobanyń rekordyn Global Best of Records tirkep, ony etnodızaın men mádenı mura salasyndaǵy erekshe jetistik dep tanydy.
«Uly dala arýy» ınstallıasııasyn daıyndaýǵa elimizdiń túkpir-túkpirinen kelgen júzdegen adam atsalysty. Joba Qazaqstannyń 17 oblysyn biriktirip, ulttyq qolónerdi nasıhattaýǵa baǵyttalǵan áleýmettik bastama retinde baǵalandy.
Jeli qoldanýshylary bul jetistikti jyly qabyldap, joba avtorlaryn quttyqtap jatyr.
