DDSU basshysy hantavırýstyń taralý joly koronavırýstan múldem ózgeshe ekenin basa aıtty. Sondyqtan aral turǵyndary men týrıster úshin jappaı indet qaýpi joq.
Tedros Gebreıesýs evakýasııalaý prosesiniń qaýipsizdik sharalaryn egjeı-tegjeıli túsindirdi. Keme turǵyn aýdandardan alys ornalasqan Granadılıa ónerkásiptik portyna toqtaǵan. Onyń aıtýynsha, jolaýshylar jaǵaǵa arnaıy kúzetilgen jáne germetıkalyq jabyq kóliktermen shyǵarylady. Jolaýshylar eshkimmen baılanysqa túspesten, birden óz elderine charterlik ushaqtarmen jóneltiledi.
Jańa pandemııa qaýpi bar ma? Eýropada hantavırýs juqtyrý derekteri kóbeıdi
Nıderlandyq «MV Hondius» kemesindegi jaǵdaı sáýir aıynyń sońynda bastalǵan. Sońǵy málimetter boıynsh, 7 adam juqtyrǵan (2-ýi rastalǵan, 5-eýi kúdikti), sondaı-aq 3 adam, ıaǵnı nıderlandyq erli-zaıypty jáne Germanııanyń Passaý qalasynyń 78 jasar turǵyny qaıtys bolǵan.
Alǵashqy ólim jaǵdaıy 21 sáýirde tirkelgen soń, keme mamyr aıynyń basynda Kabo-Verde jaǵalaýynda karantınge qoıyldy.
Aıta keterligi, sońǵy kúnderi kemede ınfeksııa juqtyrýdyń jańa jaǵdaılary tirkelmegen.
