Is-sharaǵa Parlament depýtattary, memlekettik organdar men qoǵamdyq uıymdardyń ókilderi jáne «Bolashaq» baǵdarlamasynyń túlekteri qatysty. Jıyn barysynda Memleket basshysynyń maqalasynda kórsetilgen bilim berý sapasyn arttyrý, jastarmen jumys, rýhanı qundylyqtardy saqtaý, qazaq tilin latyn álipbıine kóshirý jáne basqa da máseleler talqylandy. Jıynǵa Parlament Májilisiniń depýtaty, «Bolashaq» qaýymdastyǵy keńesi tóraǵasynyń mindetin atqarýshy Baqtııar Máken moderatorlyq etti.
Alǵashqy bolyp sóz alǵan Parlament Májilisiniń depýtaty, Olımpıada chempıony Serik Sápıev Memleket basshysynyń barlyq bastamalaryn tolyq qoldaıtynyn aıta kelip, qaı kezde de salamatty ómir saltynyń orny bólek ekenine toqtaldy. «Eń bastysy, Elbasymyz kezekti ret salamatty ómir saltynyń mańyzdylyǵyn jáne qajettiligin atap otyr, – dedi ol osy jóninde. – HHI ǵasyrda deni saý ult qana básekelestikke qabiletti bola alady. Prezıdentimizdiń «Týǵan jer» baǵdarlamasyn ázirleý, sondaı-aq, «Qazaqstannyń qasıetti rýhanı qundylyqtary», «Qazaqstandaǵy 100 jańa esim», «Jańa gýmanıtarlyq bilim. Qazaq tilindegi 100 jańa oqýlyq» jobalaryn júzege asyrýǵa qatysty usynystaryna tolyq qoldaý bildiremiz».
Al ulttyq sanany jańǵyrtý adamdy damytýdyń mańyzdy qadamy. «Elimizde tarıhı eskertkishter óte kóp, – dedi ol sóziniń sońynda. – Biraq, olar álemdik deńgeıde keńinen nasıhattalmaı jatyr. Sondyqtan Qazaqstannyń ımıdjin kóterip, halyqaralyq arenada mártebesin arttyrý úshin egemen elimizdiń tarıhı jáne mádenı muralaryn tanystyrýǵa umtylýymyz qajet».
Al «Halyqaralyq baǵdarlamalar ortalyǵy» AQ prezıdenti Janbolat Meldeshov elimizdiń aımaqtarynda bolashaqtyqtardyń jasyl saıabaǵyn salýdy usyndy. «Elimizdiń ár aımaǵynda aǵash otyrǵyzyp, bolashaqtyqtardyń baǵyn jabdyqtaýdy usynamyn, – dedi ol. – Onyń barlyǵy ózimizdiń qarajat esebinen júzege asyrylady. Bul saıabaqtarǵa ata-analarymyz, aǵa-ápkelerimiz kelip demalady. О́ıtkeni, «Bolashaq» baǵdarlamasy boıynsha shet eldiń oqý oryndarynda bilim alǵan bizder memleket pen halyqtyń esebinen oqydyq». Sondaı-aq, ol Prezıdentiń «Bolashaq» baǵdarlamasymen shet elderde bilim alyp, elge oralǵan bolashaqtyqtar balalar men jastarǵa úlgi kórsetýi qajet ekenin de ortaǵa saldy. «Jaqsy bilim ómirde tabysqa jetkizetinin olar bizder arqyly biletin bolady», – dedi J.Meldeshov.
Konferensııada «Qazaqstan-2050» Jalpyulttyq qozǵalysy keńesiniń tóraǵasy Muhtar Mánkeev, Bilim jáne ǵylym mınıstrligi joǵary oqýdan keıingi bilim berý jáne halyqaralyq áriptestik departamenti dırektorynyń orynbasary Aqerke Abylaıhan, taǵy basqa da «Bolashaq» baǵdarlamasynyń túlekteri sóz alyp, Elbasy maqalasynyń mańyzy jáne máni, erekshelikteri jóninde pikir bildirdi.
Álısultan QULANBAI,
«Egemen Qazaqstan»
