Tarıh ǵylymdarynyń kandıdaty Bolat Nyǵmetov el bolashaǵyn oılaǵanda aldymen jastardy nazarǵa alýymyz kerek deıdi. «Uıaly telefondarǵa latyn álipbıin úıretetin arnaıy qosymshalar jasalsa, jastar tez meńgerip alar edi. Elbasynyń úsh tuǵyrly til saıasaty da osy rette óz tıimdiligin kórsetedi, aǵylshyn tilin oqyǵandar úshin jańa álipbıde jazý qıyndyq keltirmeıdi. Sondaı-aq, balabaqshadan bastap latyn qaripin úıretýdi qolǵa alǵan durys. Al úlken adamdarǵa qysqa merzimdi kýrstar tegin uıymdastyrylsa, oqý-ádistemelik quraldar taratylsa, alynbaıtyn qamal joq», - deıdi ǵalym.
Fılologııa ǵylymdarynyń kandıdaty Jumazııa Ábdirahmanovanyń oıynsha, jańa álipbıge kózimizdi tez úıretý úshin qazirden bastap kóshe ataýlaryn, jarnamalar men teledıdardaǵy júgirtpe joldardy latyn árpimen jaza berý kerek. Gazetterge qosymsha bir bet sol álippemen berilse, úırený qıyn emes. Kúndelikti áleýmettik jelide de latynsha jazý arqyly beıimdelýimizge bolady.
Dóńgelek ústelge qatysqan «Qazaq tili» qoǵamy oblystyq bólimshesiniń tóraǵasy Ábilhan Tóleýishov pen oblystyq tilderdi damytý basqarmasynyń bólim basshysy Mánshúk Muqanbetqalıevalar latyn grafıkasyna kóshýdiń mańyzdylyǵy jaıynda aıtty. «Bul iste Túrkııa, Ázerbaıjan, О́zbekstan elderiniń tájirıbelerin negizge alǵan durys» deıdi mamandar.
Baqytgúl BABASh,
«Egemen Qazaqstan»
ATYRAÝ
