«Birinshi talqylaýǵa Mańǵystaý oblysy ákimdigi men balyqshylar qatysty. Qarsylyq joq sııaqty. Degenmen, bul másele áli de ortaǵa salynyp, usynys-pikirler tyńdalady. Sebebi, búginde osy aımaqta balyq sharýashylyǵymen aınalysatyndar az emes», dedi basqarma basshysy. Ol balyq aýlaýǵa tyıym nemese ýaqytsha shekteý salý úshin bıologııalyq negizdeme kerek ekenin alǵa tartyp, jaqynda ótken alǵashqy otyrysta atalǵan qujatty ázirleý týraly sheshim shyǵarylǵanyn jetkizdi. Sol kezde ǵana Kaspıı teńizinde balyq aýlaýǵa tolyǵymen tyıym salynady nemese shekteý engiziledi. Sondyqtan qazir naqty nátıje kútilýde.
Jıyn barysynda Narıman Júnisov aıdyń basynda Atyraýdaǵy «Amangeldi» óndiristik kooperatıvi ustaǵan salmaǵy 160 kılo bolatyn aqserke balyǵy jaıynda aıtyp berdi. «Sáýirdiń 1-i kúni aqserkeniń urǵashysy ustalǵan bolatyn. Salmaǵy – 160 kılo. Sáýirdiń 18-i kúni balyqtan 30 kılo 600 gramm ýyldyryq alyndy. Ol shamamen 1 mıllıon 200 myń dana ýyldyryq bolady. Olardy jasandy jolmen uryqtandyrǵannan keıin ınkýbasııalyq apparattarǵa ornalastyrdy. Shilde aıynda kádimgi balyqtardy teńizge jiberetin bolamyz», dedi ol.
Basqarma basshysynyń aıtýynsha, búginde Batys Qazaqstan oblysynda aqserke ósiretin eki zaýyt bar. Kásiporyndar aǵymdaǵy jyly shamamen 7 mıllıon aqserke balyǵyn teńizge jiberýdi josparlap otyr.
Ashat RAIQUL,
«Egemen Qazaqstan»
