Ekologııa jáne tabıǵı resýrstar mınıstrliginiń málimetinshe, jergilikti ýaqyt boıynsha saǵat 20:30-da búkil eldegi úılerde, keńselerde jáne kóshelerde shamdar bir saǵatqa sónedi.
«Jer saǵaty» aksııasy – Dúnıejúzilik jabaıy tabıǵat qorynyń (budan ári-WWF) qamqorlyǵymen ótkiziletin jyl saıynǵy halyqaralyq oqıǵa. Aksııa barysynda WWF planetanyń bolashaǵyna beı-jaı qaramaı, jaryq pen turmystyq elektr quraldaryn bir saǵatqa óshirýge shaqyrady; sonymen birge álemdegi eń tanymal ǵımarattar men eskertkishterdiń artqy jaryǵy sónedi.
Aıta ketý kerek, «Jer saǵaty» aksııasy – planetadaǵy eń jappaı ekologııalyq aksııa. Oǵan búkil álem boıynsha 2 mlrd-tan astam adam qatysady, aksııaǵa 180 elden 7 000 qalanyń turǵyndary qosylady. 2026 jyly «Jer Saǵaty» halyqaralyq aksııasy 19-shy ret, Qazaqstanda 17-shi ret ótedi.
Aksııanyń maqsaty – planetanyń tabıǵaty men resýrstaryna jaýapkershilikpen qaraý qajettiligine nazar aýdarý. Jyl saıyn eldegi aksııalar kezinde sımvoldyq obektilerdi jaryqtandyrýdy óshiredi.
Olardyń ishinde:
• «Baıterek» monýmenti
• «Astana Opera»
• Áziret Sultan meshiti
• Táýelsizdik Saraıy
• «Astana Arena» stadıony
• «Alaý» muz aıdany
• «Qazaqstan» qonaq úıi
• Ál-Farabı atyndaǵy QazUÝ jáne t.b.
Naýqandy qoldaý múmkindiginshe qarapaıym: 28 naýryzda saǵat 20:30-da shamdar men elektr qurylǵylaryn bir saǵatqa óshirińiz.
Eriktiler «Móldir bulaq» ekologııalyq aksııasyn qoldaýǵa shaqyrdy
